Shillong, Dec 6: Shillong-ni Wards Lake-o skanggipa changna Spoken Festival-ko ong•atangaha aro ia manianiko oprakani salo, ki•tap segiparangni aro dingtang dingtang manderangni an•tangtangni changa sapaniko mesokaniko nikangna man•aha.
Ia manianio, a•songni dingtang dingtang bakrangoni poedo segipa, golpo segipa, noksa salna sapgipa aro dokna dam•na changgipa manderangko apsan nangrime bak ra•na cholko on•angani ong•aha, jeon, uamang an•tangtangni experience ba cha•tote nikanirangko kusi ong•achi parakangaha.
Hub News baksa agangrikengon, ia manianiko ong•atani miksonganiara, gipin songjinmarango gitan, dingtang dingtang a•bao gisik matsramgipa seng•gipa sapgipa Shillong-ni manderangko chimongenba uamangni agananiko gipinrangnaba knaatna miksonganio ong•ataha ine Festival Director, Roshan Abbas aganaha.
Unbaksana, Meghalaya-ni Poedo segiparangko, mikkang bilsio Bombay-o ong•atnasienggipa Spoke Fest-ona rimanggen ineba ua janapataha.
Ia manianio dingtangmancha, Vancouver Shullai-ni segipa Khasi poedo, “Don Bosco Square” ingipa poedo-ko mingatan baksa, Don Bosco Square-ni sakgipinrang baksa nangrime janggi tangani gimin talate on•angjolaha.
Indake, ia poedo-ni miksonganiko talatani ja•man, ian sakgipinrang ko mikgaoatani ong•a aro iandakgipa manianirangko ong•atjagenchimode iani gimin darangba u•ijawahachim ine bak ra•giparangoni saksa aganaha.
Na·simang ia video-koba nina man·gen:
Na·simang iakoba poraina man·gen: Assam CM, election-o vote man•a matchu be•en suala ine Congress MP-ni kosako matnangata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
