Shillong, March 23: Re•anggipa March jani 9 tariko, Shillong songjimani Them Iew Mawlong minggipa biapo IED boma gopretanio jak dongpagipa saksako rim•taia, indake da•o dipet rim•ako man•giparang sak 4 gapaha.
“Bom gopretanio jak dongpagipa brigipa mandeko chinga rim•aha jean Ri-bhoi district-ni ning•o ga•akgipa, Umroi minggipa biaponi bilsi 24 onggipa Sansharbah Makdoh ong•achim,” ine East Khasi Hills-ni Superintendent of Police Rituraj Ravi parakataha.
Indake ong•genchimoba, chinga gimik cholko daken am•sandie nianirangko dakangkugen ine ua agandapangkuaha.
Battanggimin March jani 19 tariko, Eastern West Khasi Hills-ni ning•o ga•akgipa Mairang minggipa biaponiko, bilsi 21 ong•gipa Peinlang songni Namphyrnai Lyngdoh Peinlang-ko rim•aha aro uko sombar salo Shillong songjimaona rimbaaha. Aro uko ia boma gopretani case-o mongsonggipa jak donggipa ong•a ine u•ina gita man•aha.
Namphyrnai sorkarini kosako bobil dake chakatgipa dol chong•motan Hynniewtrep National Liberation Council (HNLC) baksa bak donga ine SP u•iataha. Indake ong•engon, police dolrang boma gopretanio jak dongpagiparang jekai, ia namgija kamko a•bachengdilgiparang, iako chu•sokatna kamchi ba tangka paisarangchi dakchakgiparang aro boma gopretgiparangko sasti on•a gita krenge kamrangko ka•enga ine ba ua agandapangkuaha.
Iana skangba, boma gopreta jamano, March jani 11 tariko HNYF-ni dilgipa, bilsi 58 ong•gipa Tarson Lymba-ko Dawki-oniko rim•aha indake bilsi 26 ong•gipa Ebakordor Nongpluh-ko Shillong-ni Malki-oniko rim•skaaha.
Na·simang ia video-koba nina man·gen:
Na·simang iakoba poraina man·gen: HNLC ba GNLA bobil dolrangoni tangka dabiani chittiko man•sogenchimode uamangna tangkarangko on•jachina Meghalaya Police didiata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
