24.6 C
Tura
spot_img

HNLC ba GNLA bobil dolrangoni tangka dabiani chittiko man•sogenchimode uamangna tangkarangko on•jachina Meghalaya Police didiata

Must read

Shillong, Mar 23: Sonibar salo, champengatako man•gipa bobil dolrangoniko tangka dabiani chittirangko saoba man•sogenchimode, iandakgipa dolrangna tangkarangko on•atjachina inenba a•dok police, ku•patian baksa didiataha.

Director General of Police (DGP) Dr. LR Bishnoi, champengatako man•gipa bobil dolrang jekai, Hynniewtrep National Liberation Council (HNLC) aro Garo National Liberation Army (GNLA) dolrangoniko, dingtang dingtang social media-ni cholrangchi, jekai, WhatsApp, Telegram ba SMS-rang gita, tangka dabiani chittirangko bang•a manderang man•soenga ine Police Department nikna man•engaha inenba aganaha.

Advertisement

Indake ong•engon, je mandeba iandakgipa chittirangko man•sogenchimoba, ia dolrangna tangka paisarangko on•pajachina, maina iandakgipa dolrangna tangka paisani gita dakchakaniko on•enganiara, niamni a•palo ong•enga aro dos gri manderangkoba a•sel ong•gniona sokatnasienga ine mikrakataniko on•an baksa, saoba ia bobil dolrangna tangka paisarangko on•atgenchimode, Unlawful Activities (Prevention) Act, 1967-ni section 11, 13 aro 17 aro unbaksana, Prevention of Money Laundering Act-ni Section 4 aro IPC-ni Section 109-ni kosako niamko pe•giparang ong•ani gimin niamo pangchake niam gita bichal ka•ako man•gen. Uni gimin, iandakgipa niamni kosako tangka paisarangko dabianiko man•sogenchimode bakan police-na u•iatna nanga ineba ua janapataha.

Na·simang ia video-koba nina man·gen:

Na·simang iakoba poraina man·gen: NEHUSU Tura Campus-ni chatro chatrirang Students Union-na election-ko ong•ataichina chitti sedoa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

spot_img

More articles

spot_img
-->

Latest article