Shillong, Mar 13: Shillong Western Bypass-ko tarina gita 97.5 percent a•arangkode National Highway & Infrastructure Development Corporation Limited (NHIDCL)-na pakwate on•manaha ine Bristibar salo, Meghalaya a•dokni Deputy Chief Minister aro PWD (Roads) Minister Prestone Tynsong, Assembly-o sing•anirangna aganchakaniko on•angaha.
Tynsong-ni aganani gitade, bangki 2.5 percent a•arangni bidingo a•a nokgiparang baksa adita meligrikgijanirang dongkuengani gimin ia meligrikgijanirangko namatna gita East Khasi Hills aro Ri Bhoi a•jani deputy commissioner-rang kam ka•enga.
RFCTLARR Act 2013-o pangchake a•arangko breanio gong 455,39,34,752-ko East Khasi Hills a•jao aro gong 121,40,63,701 tangkarangko Ri Bhoi a•jao koros ka•na nangaha ineba PWD (Roads) Minister aganaha.
Ia project-ni minggittam package-na kamrangko a•bachengaha ine janapatengon, kamrangko ka•anio a•ani gita adita neng•nikanirangsan dongaiaha aro ia neng•nikanirangko East Khasi Hills aro Ri Bhoi a•jani DC-rang, bakan namatna man•aigen ine Tynsong ku•rachakaniko on•angaha.
Ia ramako tarianio a•arangko gimaatna nange neng•nikanirangko chagrongna nangenggipa nokdangrangni bidingo Opposition dolni dilgipa Mukul Sangma-ni sing•anina aganchakaniko on•angskaengon, ia neng•nikanirangko a•ja damgnini DC-rang namatna kam ka•enga aro sorkarini gitaba ia nokdangrangna dakchakanirangko on•na miksongenga ine Deputy CM aganaha.
A•a nokgiparangna gamna nanggipa tangka paisarangoni 10 ba 20 percent-ko kattienga ine matnanganikoba Tynsong jegalataha aro da•o dipet iani bidingo darangonikoba badi ka•anirangko man•soa dongkuja ine talataniko on•angaha.
Na·simang ia video-koba nina man·gen:
Na·simang iakoba poraina man·gen: Ma·sina man·gijagipa manderang sorkarini gariko so·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
