Shillong, May 1: Shillong Western Bypass ramako tarina gita bakan a•dok sorkari, a•arangko NHIDCL-na pakwatgnok ine Budbar salo, a•dokni Deputy Chief Minister aro PWD (Roads) Minister Prestone Tynsong parakataha.
Shillong-Dawki ramani package I, II aro IV-ni kamrangko a•bachengpiltaiaha ineba ua aganaha.
Them Iew Mawlong-o songdongenggipa manderangko gipin biapona apjitatani bidingo janapatskaengon, May-ni 7 tariko a•dok sorkari, Harijan Panchayat Committee baksa tom•e chanchirimantaigen ine Deputy CM parakataha.
Harijan Colony-o niam gri songdongenggipa nokdangrangba donga ine Hynniewtrep Youth Council (RTI) ka•e man•gipani gimin janapatskaengon, iani bidingo name am•sandipiltaichina gita a•dok sorkari, Shillong Municipal Board-ni Chief Executive Officer aro Urban Affairs-ni Director-na ge•etaniko on•ataha ine Tynsong parakataha.
Na·simang ia video-koba nina man·gen:
Na·simang iakoba poraina man·gen: Ding•pretaniko komiatna, Uttar Pradesh-ni LP School damsao classroom-ko swimming pool taria
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
