Tura, Nov 13: Sombar salo, South Garo Hills a•jani Siju Karukol jolni ramarang namsrangjani a•selo manderangna neng•nikaniko on•enganina aro ia ramarangni namjani a•selo, Garo Hills a•jani gisepo nitobegipa aro tourism biaprang ong•genchimoba bang•a tourist-rangni re•bagniko nosto ka•enganina, ua songni manderang, chatro chatrirang, chadamberangni organization-rang aro nokma-rang jegalaniko dakenba jinma re•jomaaniko dakangaha.
Ia re•jomaaniko Karukol-ni Garo Students Union (GSU) dakdilangaha aro ia re•jomaanio, batanggimin bilsio, Siju jolo chi banna re•anichi aro a•a be•anichi nosto ong•atako man•gipa rama jallangrangko name taritaie on•china gita uamang sorkariko dabiangaha.
“Ia National Highway NH-62 Karukol jolo dongenggipa manderangna namen nangchongmotgipa ong•a indiba sorkarini gita ia rama jallangrangko ru•uta bilsirangonan galchipaha. Unbaksana, PMGSY-2 ni ramarang jean da•alo matchotman•a gita nangahachim uarangkoba galchipe donengaha” ine GSU-ni General Secretary, France R. Marak agantalataha.
Indake, Simsang Chijol aro Rongdik Chijol-ni ramarang re•na gita man•srangijagipa ong•aha, jeni a•selan ua jolni manderang namen neng•nikaniko man•enga ineba ua agandapataha.
Sorkarini gita ia namgijagipa ramarangko nirokatjagenchimode mikkangchi jingjengataniko dakangkugen ine Students Union mikrakataniko on•ataha.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
