Tura, Mar 21: South Garo Hills a•jani ning•o ong•gipa Karukol Siju-ni dollongko rika cho•ani kamrango nirokaniko dakenggipa manager-ko, ma•sina man•gijagipa manderang Budhbar pring seng•nachibara rim•sruke ra•angaha.
Ia a•sel March 20 tarik chongmotan, Budhbar pringni 1:30 bajimango, Siju Police Station-ni ning•o ong•gipa Karukol-ni Rongdik songo rikenggipa dollong sepango, uamangni noktop rike dongchakenggipa biapo, R K Singh Construction Company-ni kam ka•enggiparangni tusigekmiting somoio ong•aha.
Indake, ma•sina man•gijagipa manderang, uamangni tuchakenggipa biapona re•baenba, uamangni garini to bon•changaha ine agane diesel-ko bi•ahachim. Iani gisepon, kam ka•enggiparangko nirokenggipa supervisor, project manager, Akilesh-ko okamataha. Indake, Akhilesh kutturitangona re•bapiljaha aro ma•sina man•gijagipa manderangba gimaangahachim.
Indake, uni gimaaniko u•iani jaman, supervisor, Police-rangna koborko on•ataha.
Ia rim•srukanggipa manderang, South Garo Hills a•jaoni ong•na nanga inenba Police-rang chanchichipenga.
GNLA bobil dolni Sohan D Shira-ni siani jaman aro GNLA dolni bonani jaman, bilsi 6-ni jamansa, South Garo Hills a•jani ning•o iandake rim•srukanirang, ian skanggipa ong•enga maina ru•uta bilsirangna, indake bobil dakgipa dolrangoni jakgitel ong•e dongna man•ahachim inenba nikna man•a.
Na·simang iakoba poraina man·gen: Two more arrested in Ri Bhoi, police says HNLC indulges in brain washing innocent youth
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
