Guwahati, Feb 19: Scientist-rang rokom 5 nikronggijagipa balgitorangko India-oniko man•aha. Ia balgito-rangara bijakgrigipa ong•an baksana salni teng•agri tangna gita man•ani gimin gipin balgitorangoni dingtangtegipa ong•ata aro ian a•a ning•o chae, me•gimu dakgipa rokomrangoniko cha•ani man•gipa ong•a.
Dingtang dingtang institute-rangni am•sandigipa dolrang ia balgitorangko Sikkim aro Darjeeling-ni Himalaya jolrangoniko man•aha. Gastrodia Sikkimensis aro Gastrodia Indica ingipa rokom 2 balgitorangara gital am•sandie man•giparang ong•engon, Gastrodia Bambu, Gastrodia Flavilabella aro Didymoplexiella Siamensis ingipa rokom 3 balgitorangara India-o skanggipa changna nikchenggipa ong•skaa.
Ia balgito-rangara, a•a ning•o chaa baksana dikdiksana bibal balaigipa ong•ani gimin namen nikna neng•begipa ong•a. Ia balgitoni pangrang namen komibea baksana dingtangmanchagipa me•gimuni rokomrangkosa cha•e tanggipa ong•ani gimin ta•raken gimana kenchakani gnanggipa balgitorang ong•a. Scientist-rangni aganani gitade, ia balgitorangko uamangni ong•telaigipa biaponiko apjitate ge•na gita man•jawa, jeni a•selan ia balgitorangko ripingna gita namen neng•nikbeani ong•enga.
Sam tarianio jakkalgipa gastrodin minggipa bostu dongani a•sel ia balgitorangara namen gamchatbegipa ong•a. Indake ong•engon, ia nikronggijagipa balgitorangni charam biaprangko manderangni nosto ka•e galani a•sel ia balgitorang gimaangnaba donga ine kenchakani ong•enga.
Ia nikronggijagipa balgitorangni gimana skang uamangko naljoke rakkiangkuna gita chel•chakna nangchongmotan baksana bang•bata am•sandigipa dolrangko nangenga ine u•i-ma•sigipa dolrang u•iatangaha. Gastrodia Flavilabella-ko India a•songo man•aniara sambolrangni science-o namen chu•sokani ong•enga. Scientist-rangni chanchiani gitade, India-ni buringrango mittino dongenggipa sambolrang dongkuengnaba donga, uni gimin uamang am•sandigipa dolrangko am•dapan baksana ia kenchakna ba ripingna nangenggipa biaprangko naljoke rakkina gita chel•chakanirangkoba bi•angaha.
Na·simang ia video-koba nina man·gen:
Na·simang iakoba poraina man·gen: Gitcham DGP LR Bishnoi-ni kosako ka•gipa FIR-ko High Court den•gala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
