Guwahati, June 20: Sikkim-ni Salgro jolni Mangan a•jao a•a ruani a•sel jachange donggipa sak 1,447 songregiparangko naljokataha. Ia naljokatani kamrangko re•anggipa June jani 17 tariko a•bachengataha, jeon sak 50 songregiparangko naljokatna man•aha, indake salgipino bang•bata songregiparang sak 1,237 songregiparangko naljokatskaaha. Bonkamgipa salo, Chungthang aro Mangan a•jani Salgro jolniko sak 158 songregiparangko naljokataha. District Administration baksana, State Disaster Response Force (SDRF), National Disaster Response Force (NDRF) aro Border Roads Organisation (BRO) apsan bakrimenba ia baljokatani kamrangko ka•angaha. Ia operation-ko ong•atanio mongsonggipa dilgiparangara, Mangan-ni SP Sonam Detchi Bhutia, Additional DM Vishu Lama, BDO Kailash Thapa, District Disaster Management Authority (DDMA)-ni official-rang, forest aro tourist department-ni dilgiparang, motor vehicle division, police, General Reserve Engineer Force (GREF), Taxi Drivers’ Association aro Travel Agents Association of Sikkim (TAAS) dolrang ong•achim.
Ia Chungthang-o naljokataniko chu•sokatna, SDM Kiran Thatal aro uni dolrang baksana SDPO, Arun Thatal, SHO Ugen Bhutia, SHO Sawan Gurung Lachung, ADC Hem Sagar Kafley aro BDO TR Baniya, iamang wal sal neng•takpilgija kamrangko ka•angaha. Ia jachange donggipa songregiparangna Lachung Dzuma, Lachung Hotel Association, ua jolo songdonggipa songni manderang, indin dongchakani aro cha•a ringanirangko on•e dakchakanirangko on•angaha.
Mangan aro Chungthang biaprango naljokatgipa dolrangni apsan ku•monge kamko ka•ani a•sel maming neng•nikani gri naljokatani kamrangko chu•sokatna man•aha. Ia indake neng•nikani somoio ka•sae dakchakanirangko on•ahanina, songregiparang sorkarini official-rang aro songni manderangko demittele aganangaha.
Na·simang ia video-koba nina man·gen:
Na·simang iakoba poraina man·gen: Hyderabad-oni Kuala Lumpur-ona bilangenggipa plane-ni jakrani engine-o rang•gitik wa•al kama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
