Shillong, Oct 6: Sikkim a•doko chi bananichi jachange dongna nangenggipa Meghalaya a•dokni chatro chatrirangko aro gipinrangkoba a•doktangona rimbapilna gita a•dok sorkari ja•kurangko de•aha ine Sukrobar salo, a•dokni Cabinet Minister Paul Lyngdoh parakataha.
Sikkim a•doko rang•gitik mikkarang jimbee waangani ja•man Teesta chibima dal•bae, chirang banengani a•sel bang•a manderangan siangna gita nangahachim aro manderang an•tangtangni gam-jinrangko gimaatna nangtokahachim ine nikna man•a.
Indake ong•engon, Meghalaya sorkarini ge•etaniko man•ani ja•man, Sikkim a•doko jachange dongna nangenggipa chatro chatrirangko, uamangni biaprangoniko rimongkataha aro da•o uamangko a•dokona rimbapilgnok ine Lyngdoh parakataha.
Salgni salgittamni gisepon ia pilak kamrangko chu•gimik matchotatgen ineba ua aganaha.
Sikkim a•doko jachange dongna nangenggipa Meghalaya a•dokni manderangko dakchakna gita Meghalaya sorkari, Sukrobar pringonin kamrangko ka•chakataha aro uandaken dakchakaniko nangenggipa manderangna dingtangmancha 1800-345-3644 helpline nombor-koba a•bachengataha. Sikkim a•doko jachange dongna nangenggipa Meghalaya a•dokni manderang, jemangan dakchakanirangko nangengachim, ia on•gimin nomborona ka•atna man•gen.
Iakoba poraie nina man·gen: Tura-ni Rishipara jolo a•a be•e manderangna kenjagokataniko on•anga
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
