Shillong, Oct 06: Meghalaya-o donggipa ge 1266 Anganwadi Mini Centre-rangko main centre-rangona ra·doatan baksa, ge 266 gital Anganwadi Centre-rangko kullidapna am·enganiko ma·mong sorkarini ra·chakanganiko Social Welfare minister Pa Paul Lyngdoh, Sukrobar salo u·iatangaha.
Iani bidingo Pa Lyngdoh, koborna u·iatangengon, wachi-kari badeahaon chu·gimik kamrangko a·bachenggnok aro iana ma·mong sorkari baksa tangka-paisako chapdime koros ka·anggen ine talatan baksa, ra·doatgipa centre ge·prakon da·ode sakgni kam ka·giparang baksana uamangna dakchakgiparangba donggnok aro uamangni man·gnikoba japrako gong hajal 3,500 oniko gong hajal 4500 ka·e bariatgnok ineba ua u·iatjolaha.
Ia kamna chu·gimik gong lak 826.38 tangkarangko nangenga, jeoni gong lak 743.74 tangkako ma·mong sorkari chapenga ine minister talatangkuan baksa, a·doko kullidapna am·enggipa ge 266 gital Anganwadi centre-rangona honarary worker-rang, anganwadi worker-rang aro dakchakgiparangkoba sak 266 ka·e kamona rimnapgen ine Pa Lyngdoh agandapataha.
Iakoba poraie nina man·gen: Tura-ni Rishipara jolo a•a be•e manderangna kenjagokataniko on•anga
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
