Shillong, Oct 8: Sikkim a•doko chi bananichi jachange dongna nangenggipa sak 26 chatro chatrirang, Sonibar salo tom•tome Meghalaya a•dokona sokbapiltokaha.
Sikkim a•doko chi banengani a•sel kenjagoke dongna nangenggipa Meghalaya a•dokni chatro chatrirangko tom•tome rimongkatbana gita Meghalaya sorkari, garirangko tik ka•atenba, ia chatro chatrirangko Sonibar attamni 6:42 bajimango Shillong songjinmani Mawiong-o donggipa Inter State Bus Terminal-ona tom•tome sokbaataha.
Ia sak 26 chatro chatrirangara, East Sikkim-ni Majhitar-o donggipa Himalayan Pharmary Institute aro Sikkim Manipal Institute of Technology-o poraienggipa chatro chatrirang ong•achim aro Shillong-ona sokbaani ja•man, uamang kusi ong•aniko paraktokaha.
Meghalaya a•dokona tom•tome rimbapilna ta•raken kamrangko ka•ahani gimin uamang dingtangmancha Meghalaya sorkarikoba mittelpilaha.
Meghalaya a•dokni Chief Minister Conrad K Sangma an•tangan uamang baksa agangrikatenba, uamangko tom•tome noktangtangona sokbaatpilna gita ku•rachakaniko on•ataha ineba chatro chatrirang aganaha.
Chatro chatrirangni parakatani gitade, uamangko noktangtangona rimbapilna gita sorkari, garirangko West Bengal a•dokni Siliguri-ona tik ka•ataha aro uni ja•man bolgipin bus gario Shillong-ona rimbaskaaha.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
