Gangtok, April 4: Mongolbar salo, salgro-salaram jol Sikkim a·dokni Nathula Pass sambajolo suurirang rurubaanichi ning·ao dapako man·e bi·sako man·chape komibeoba saksni tourist-rang ba biap nina-rona gita re·anggipa manderang siaha aro ia obosta ong·anio jachange dongenggipa sak 80 mangni gita tourist-rangkoba am·sandiatanirangko dakenga ine koborko man·soaha.

Obosta ong·ani tapan Indian Army-ni Trishakti Corps sipairang, aro BRO Project Swastik-ni am·sandigipa dolrang obostao ga·akgipa manderangko naljokatna gita kamrangko ka·chichaataaha. Uandake, attam 4 bajiona kingking a·bri chu·beao jachanggipa sakdokko man·chape gimik sak 23 mang tourist-rangko naljokatenba uamangko sambabatao donggipa Indian Army-ni sanram biaprangona rimange doneaha. Ia obosta ong·anio, rasong gribee saksni manderangni janggirang gimana gita nangaha.

Indake ong·engon, Army, State Disaster Management Team aro Police-rang, suurirang ruruanichi jachange dongenggipa gipin manderangkoba sandienba naljokatanirangko dakengkua. Unbaksana, jachanggipa sak 350 tourist-rang aro bol 80 garirangkoba ramarango ga·akgipa suurirangko rongtalani ja·man naljokataha,” ine PRO Defence-ni Colonel Mahendra Rawat, koborna parakataha.

Iakoba poraie nina man·gen: Roster system-na dabianiko ACHIK watgaljawa