Shillong, April 4: Gari gorarangni a•sel, Shillong songjinmani Police Bazar ba Khyndailad-ona re•angenggipa manderang neng•nikanirangko chagrongna nangtokengani gimin Mongolbar salo, Meghalaya a•dokni Tourism Minister Paul Lyngdoh, ia biapo ong•enggipa obostarangko nina re•angaha.
Police Bazar-ko nieani ja•man kobor ra•timgiparangna talataniko on•angengon, Shillong songjinmao gari gora gri ja•achi re•gipa manderangni biap dakatna gita uamang adita biaprangko seokaha aro ia biaprangoni Police Bazar-ba damsa ong•enga ine Lyngdoh parakatenba, ia biapko ‘no honking zone’ ba ia biapo ‘horn’ on•aniko sorkari champengatgnok ine talataniko on•angaha.
Shillong songjinmao balwarang namen moila ong•engahani a•sel ja•achi re•ruraenggipa manderang neng•nikanirangko chagrongna nangtokengaha aro iako sorkari namatna nangnikenga ineba Tourism Minister parakataha.
Lyngdoh-ni parakatani gitade, hospital sepangrango gari gorarang agre horn-rangko on•engani a•sel manderang neng•nikanirangko man•tokengani gimin sorkari iakoba namatna miksongenga.
Police Bazar-ko ja•achi re•giparangni biap aro horn on•ani grigipa biap ong•ataniara rakbegipa kam ong•naba gnang indiba gisiko nange kamko ka•genchimode uamang ia kamko chu•sokgipa ong•atna man•aigen ineba Lyngdoh parakataha.
Iakoba poraie nina man·gen: Assam-M’laya-ni gnigipa agangrikaniko matchotama matchotjawa aganna man•kuja ine Pangniang a•kanga
