Tura, June 12: Sukrobar salo, North-Eastern Hill University (NEHU)-ni Department of Management and Placement & Counselling Cell, salgnina chang 14-gipa HR Conclave “SYNERGOS’26” -ko NEHU Tura Campus-o a·bachengate on·angaha. Ia program-koara, “Human Capital in the Digital Era” ingipa katta bichongo pangchake ong·atenga, jean technology-o pangchake janggi tangenggipa a·gilsako manderang aro kam ka·ani bilko namdapatna nangchongmotaniko mesoka.
Ia tom·bimonganiko NEHU, Tura Campus-ni Pro Vice-Chancellor, Prof. Fameline K. Marak, NEHU, Tura Campus-ni Department of Management-ni Head Prof. J. U. Ahmed baksana (Law & HR)-ni gitcham Executive Director Dr. Subir Kumar Mitra, Reliance Industries Ltd-ni a·gipibatgipa Executive Vice President Gopal Chandra Sikder, Hydrocarbon Sector Skill Council (HSSC)-ni CEO & Head HR, SK Bose aro Centre for High Technology, Ministry of Petroleum & Natural Gas-ni ku·pattitimgipa Dr. Saumita Shankar Gupta-ko man·chape dingtang dingtang karakanarangni gimin u·i-ma·sigiparangni dongpaanio officially a·bachengate on·angaha.
Tom·anio aganprakgiparang, bang·a dolrangan technology-rang jekai Artificial Intelligence (AI)-kon copy ba apsanchrak dake tarie jakkalna man·oba, mandeo donggipa gunrang jekai gital chanchibewalani, chanchina changani aro sakgipin mandeni chanchina sapaniko u·iani bilrang da·oba chu·sokanina gamchatbegipa ong·engkua ine aganangaha. Ia conclave-ko ong·atani miksonganiara, poraichakram biaprang aro karkanarangni gisepo nangrimaniko namdapatan baksana ta·raken dingtangrorobaenggipa digital kam ka·chakram biapo nanggipa changa sapanirangko chatro chatrirangna skie on·a dakchanian ong·a.
Ia program-ko ong·atanio, Department-ni Magazine aro chatro chatrirangni placement brochure ba chonbegipa ki·tapko oprake on·angaha. Una agreba, ia chanchirimaniko dakanio mingbri mongsonggipa katta bichongrang jekai AI-ni chasongo dilgipa ong·ani, kam ka·chakram biapo mikkang nitea gri kamo rakkiani aro bak man·atpaani, AI aro mandeni kamrangko nisusagrikani baksana mikkangchi kam ka·na nanggipa changa sapaniko man·a gita skie ra·ani bidingo chanchirimaniko dakangaha.
Karkanarangni gimin u·i-ma·sigiparang jekai Government of Meghalaya, SeMT-ni padot Manjit Nath, Dilip Kumar Jha aro Kalyanjit Hatibaruah-ba ia conclave-o dongpae bak ra·angpaha. Campus-ni chatro chatrirang aro am·sandigipa dolrangni jatni dakmesokanirangchi ia conclave-ni skanggipa salko matchotataha.
Na·simang iakoba nina man·gen:
Na·simang iakoba poraina man·gen: Tura Medical College-ko rikani 95% matchotaha ine Health Minister paraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
