Shillong, Jun 12: Tura Medical College-ko rikani kamrang, 95 percent matchotmanaha ine Sukrobar salo, Meghalaya a·dokni Health Minister Wailadmiki Shylla parakataha. Shillong Medical College-ko oprake on·na gita sorkari, a·songni Prime Minister Narendra Modi-ni tarik tik ka·e on·aniko sengkuenga ineba ua aganaha.
Sukrobar salo, Shillong songjinmao ong·atanggipa program-o bak ra·ani ja·man kobor ra·timgipa manderang baksa agangrikengon, Shillong medical college-ko oprake on·na gita iana skang tik ka·gipa tarikara, gipin program-rang baksa apsan ong·ahani gimin den·galna man·pilna nangaha aro da·o Prime Minister Office-oni gital dake tarik tik ka·e on·aniko sorkari sengkuenga ine Shylla aganaha.
Bakan tarikko tik ka·enba, Shillong Medical College-ko PM Modi-ni jakchi oprake on·na man·gen ineba Health Minister, an·tangni ka·dongchakenganiko parakangaha.
Tura Medical College-ni bidingo janapatskaengon, nokrangko rikani kamrangde da·o 95 percent-ni gita matchotaha ine Health Minister parakataha.
Tura Medical College-na kam ka·giparangko ra·ani bidingo janapatskaengon, skigipani kamrangna sorkari advertisement ba u·iatanirangko on·manaha ine Shylla parakataha.
Tura Medical College-o skigipani kamna da·o dipet dorgasto galgiparang komikuenga ine an·tangni suk ong·gijaniko parakatengon, kam ka·giparangko chu·onga gita man·na sorkari ka·dongenga ine Health Minister aganaha.
Na·simang iakoba nina man·gen:
Na·simang iakoba poraina man·gen: Guwahati-o bol ga•akdape saksa chatri sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
