Guwahati June 12: Manipur a·doko bilsi 3 mang ong·na am·pile so·so jengjeng ong·anichi, a·doko donggipa sak hajalni hajal manderang da·onaba kenani, noktangtangoni apjitatako man·an baksana jatsa jatgipino ka·dongna man·gija dongna nangengkua.
Adita somoirangna skang, rim·srukanga man·gipa sak 6 Naga manderangko naljokata baksana Kamjong a·jao Kuki giljani dilgiparangko so·otani, a·doko on·tisa donggipa tom·tomanina gital jajrenganiko nakatataha.
Manipur Home Department-ni aganani gitade, 2023 bilsini May jao so·so jengjeng ong·a intaloni relief camp-rang aro dikdiksana donram biaprangona apjitata man·gipa manderangoni komibewaloba sak 731 manderang siangaha. Sak 43,000-na bate apjitatako man·giparang, da·onaba noktangtangona re·angpilna gita man·kujaenga.
Ia so·so jengjeng ong·aniko bang·an Meitei aro Kuki jatrangni gisepo nanggrikani gita nikengon, adita somoirangna skang so·so jengjeng ong·ani dingtang dingtang dolrangni gisepo so·so jengjeng ong·ani aro ka·dongna man·gijani batroroaniko mesoka. Chel·chakgipa dolrang, a·doko so·so jengjeng ong·aniko aro tom·tomaniko rakkina kamrangko ka·engkua.
U·i-ma·sigiparangni aganani giatde, Manipur a·dokna dal·batgipa ra·bianide ian jatsa jatgipini gisepo ka·donganiko ra·bapilani aro apjitata man·gipa nokdangrangko noktangtangona re·angpilna dakchakaniko on·anian ong·a, maina bang·a manderangan ru·uta somoirangna nanggrikani a·sel nangchakea man·gipaoni nampilna gita neng·nikaniko man·engkua.
Na·simang iakoba nina man·gen:
Na·simang iakoba poraina man·gen: Boko-o drug badinggipako rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
