Guwahati, June 12: Guwahati-o saksa college-o poraengipa chatrini porikka sena scooty-o re•angmittingo bol dal•gipa ga•akdape siaha.
Ia obosta Bhootnath-Kalipur jolo ong•aha. Sianggipa me•chik Pandu College-o poraenggipa Parismita Hazarika, minggipa ong•achim.
Kobor-ko man•soani gita, Parismita, Jyotirmoy Mohan minggipa baksa scooty-o exam centre ona re•angmittingo bol dal•gipa ga•akdapaha ine u•inagita man•aha.
Uamangko bol ga•akdapa bikkan scooty salgipa Jyotirmoy-ko jokatna man•aha indiba asongchapgipakode bol ning•aoniko bikoningna man•jaha ine u•ina gita man•aha.
Nikgiparangni agananigita jokatgipa dolrangko sengsomittingo ua bol ning•aon ru•uta somoina on•jetdape dongna nangaha. Railways aro Guwahati Municipal Corporation (GMC) ja•man apsan nangrime bolko jitatenba uko naljokate ta•rake hospital-chi rimangahachim indiba doctor-rang uko jokatna jotton ka•genchimoba jokatnagita man•jaha ine u•ina gita man•aha.
Ia ong•gipa obostara mikka wani balwa rakani a•sel songjinmao donggipa bolrangni ga•akdapenganina manderangni naljokanina jajrenganiko man•atenga.
Dilgiparang bolni ga•akjetani a•selrangko u•ikuja aro iani gimin am•sandianirangko dakangkuenba ja•man talatanirangko on•anggen.
Na·simang iakoba nina man·gen:
Na·simang iakoba poraina man·gen: Manipur a·dokni manderang da∙onaba tom∙tomaniko man∙na neng·nikkuenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
