Shillong, April 4: Assam aro Meghalaya a•dokni simarango meligrikna man•jaenggipa bangki damdok biaprangko namatna gita gnigipa agangrikaniko MDA 2.0 sorkari matchotatna man•genma man•jawa da•o dipet aganna man•kujawa ine Mongolbar salo, Hill State People’s Democratic Party (HSPDP)-ni president KP Pangniang parakataha.
Pangniang-ni parakatani gitade, ia gnigipa agangrikaniko MDA 2.0 sorkari chu•sokatna man•ama man•jawa ua name ma•sikuja indiba ia kamko chu•sokgipa ong•atgen ine ua sorkario ka•dongchakenga.
Kamrangko chu•sokgipa ong•atanide committee membor-rangni name chanchie kam ka•aniosa pangchakgen ine janapatengon, ua an•tangde regional committee-rangni bak ong•pajagenchimoba nangan somoirango sorkarina dakchakanirangko on•na kusi ong•aigen ine HSPDP-ni president parakataha.
Iakoba poraie nina man·gen: China, Arunachal Pradesh-ko a·kangtaipilenba, gittimgipa changna biapni bimingrangko parakata
