Agartala, Jun 12: Bilsignina skang, sorkari baksa songgigrikanio, tangka paisani gita aro janggi tangani cholrangko on·na ku·rachakanirangko chu·sokate on·china dabie Sukrobar salo, All Tripura Tiger Force (ATTF) aro National Liberation Front of Tripura (NLFT) bobil doloni bame on·gipa manderang, konta 72-na Tripura a·dokni pilak gari rama aro rel ramarangko champengataha.
Bobil dolni gitcham member-rang, Sukrobar pring 6:00 baji dipet, Sadhupara-ni national highway ramarangko aro West Tripura-ni Champaknagar ning·o donggipa Brighudaspar rel ramarangko champengna a·bachengataha aro ia ramarangko champengatani a·sel, songre songgabatenggipa manderang aro nangchongmotgipa bosturangko salruraenggipa gari gorarang re·na man·gija dongna nangtokaha.
ATTF aro NLTF bobil dolrangoni an·tangtangko bame on·egipa manderangni u·iatani gitade, bilsignina skang sorkari baksa New Delhi-o songgigrikengmiting somoio, uamangna janggi tangani cholrangko aro tangka paisani gita dakchakanirangko on·na ku·rachakanirang dongachim indiba ia ku·rachakanirangko da·alonan uamangna chu·sokate on·kujaengachim.
Iani bidingo bame on·gipa bobil dolni gitcham member-rang, a·dok sorkarini official-rang baksaba changgnina kingking apsan asonge chanchirimahachim indiba uamangni nangnikani gita kamrangko chu·sokate on·na man·kujaengani gimin bame on·gipa bobil dolni gitcham member-rang, ramarangko champengate jingjengataniko a·bachengna tik ka·angaha.
Ia rama champenge jingjengataniko uamang konta 72-na ong·atenga indiba uamangni dabianirangko sorkari knachakjagenchimode, rama champenge jingjengataniko ra·doatna nangnaba gnang ineba bobil doloni bame on·egipa manderang mikrakataniko on·angaha.
Ramarangko champengate jingjengatengmiting somoirango maming so·sojengjeng ong·anirang dongjana gita Tripura a·dokni mongsonggipa biaprango chel·chakgipa sipairangko donattokaha.
Indake ong·engon, da·o dipet rama champengate jingjengataniko Tripura a·dokni pilak biaprangon tom·tome ong·atenga aro da·o dipet maming a·sel ong·anirangko knasona man·a dongkujaenga ine Sukrobar salo, West Tripura-ni Superintendent of Police (SP) parakataha.
Na·simang iakoba nina man·gen:
Na·simang iakoba poraina man·gen: Tura-o Inter School Group Singing Competition-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
