Shillong, April 4: Hill State People’s Democratic Party (HSPDP)-ni gitcham MLA Samlin Malngiang, da•o HSPDP-ko wate National People’s Party (NPP)-oni susaskaengahaoba, re•baenggipa May jani 10 tariko ong•atenggipa Sohiong Assembly constituency-ni election-ko HSPDP chena man•gen ine ka•dongchakenganiko parakataha.

HSPDP-ni MLA sakgnian doltangtangko wate katahaoba re•anggipa February-ni 27 tariko ong•atanggipa Meghalaya Assembly election-o HSPDP, seat damgniko chepiltaina man•skaahachim.

HSPDP-ni president KP Pangniang an•tangba, Rambrai Jyrngam constituency-oni susaahachim indiba ua chu•sokgipa ong•na man•skajahachim.

Indake ong•engon, re•baenggipa May jani 10 tariko ong•atna sienggipa Sohiong Assembly election-na uamangni candidate rakbee kamrangko ka•soengaha aro ia election-o uamang chegipa ong•na ka•dongenga ine HSPDP-ni president Pangniang, kobor ra•timgiparangna parakataha.

Iakoba poraie nina man·gen: Roster system-na dabianiko ACHIK watgaljawa