Gangtok, July 12: Sikkim a•dokni Gangtok a•jao, taxi bolsako dal•begipa ro•ong ga•akdape a•sel ong•anichi mande saksa so•otako man•aha.
Koborko on•ani gitade, Sukrobar salo Lingi-oni Singtam-ona re•angenggipa taxi bolsako Sisney minggipa biap sambao, dal•begipa ro•ong ga•akdapaha aro ia a•sel ong•anio mande saksa a•sel ong•gipa biapon sikamaha aro gipinrangba bilongbee saknaanirangko man•na nangaha.
Ia a•sel ong•gipa biapara National Highway (NH-10) ramani ning•o donggipa biap ong•a aro batanggimin salrangonin Sikkim a•dokoba mikkarang dontonggija waanganichi a•arang ruronge ia rama gipin biaprangoni chu•gimik champengatako man•ahachim.
Kalimpong aro Darjeeling a•jarang gitaba bang•a biaprangon a•arang ruronganichi ramarang champengatako man•rongengachim.
North Bengal aro Sikkim a•dokrango iandake mikkarang dontonggija waengani giminan songre songgabatenggipa manderangko simsakchina gita a•dok damgnini sorkarirang mikrakatanirangkoba on•ahachim.
Na·simang ia video-koba nina man·gen:
Na·simang iakoba poraina man·gen: NGH-o World Population Day-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
