Gangtok, Jun 1: Sikkim a·doko mikkarang jimbee waanganichi rama jal·langrang nosto ka·ako man·e bang·a tourist-rangan jachange dongna nangtokengon, Teesta chibima dal·baroroenganichi tourist-rangko jokatna kam ka·enggiparangba kamrangko dontongchengna nangao ga·akaha.
Koborko on·ani gitade, Munshitang jolo rama jal·lang nosto ong·e, gari bolsa a·sel ong·na nangaha aro ia gari a·sel ong·anio mande sakchet gimakuenga. Gimaenggipa manderangko sandienggiparangba Teesta chibima dal·baroroengani gimin kamrangko dontongchengna nangaha.
Sikkim a·dokni mongsonggipa Phidang Bailey dolongba da·o manderangna kenchakna nangani ong·engaha ine u·iatengon, 2023 bilsio tin·kagimin chirangni bretanichi nosto ong·ako taritaigipa dolong da·o Teesta chibimani dal·baroroenganio a·arangni rurongroroangenganichi be·na siengaha ine Mangan a·jani Zilla Panchayat Upadhakshya Sonam Kipa Bhutia parakataha.
Bhutia-ni aganani gitade, ia dolongara salgro Sikkim-ona Dikchu gita mongsonggipa cholguga ong·engachim aro ia dolong be·ahaode Sikkim a·dokni salgro jolrangona re·a doani cholrang dongjawaha.
Indake ong·engon, mikkarang dontonggija waenganichi, a·arang be·roroenganichi, rama jal·langrang nosto ong·enganichi aro Teesta chibima dal·rorobaenganichi sak 1276 tourist-rang, Lachen aro Lachung jolrango jachange dongna nangtokenga ine Mangan a·jani Superintendent of Police (SP) Sonam Detchu Bhutia parakatskaaha.
Jachange dongna nangenggipa tourist-rangko Robibar salo rimongkatangna tik ka·ahachim indiba Sukrobar walo, Upper Dzongu-o donggipa Shipgyer-o a·arang be·ahani a·sel kamrangko dontongatna nangao ga·akaha ineba ua aganaha.
Re·anggipa May-ni 29 tariko Munshitang-o a·sel ong·gipa garini gimin janapatengon, ia gari Teesta chibimaona ga·aksruange a·sel ong·aha aro ia gariko salgnina skangde nikatna man·kuengachim indiba Teesta chibima dal·baroroahani a·sel da·o ia gariko nikna man·jaengaha ine SP Bhutia aganaha.
Na·simang ia video-koba nina man·gen:
Na·simang iakoba poraina man·gen: Meghalayao wachikarini obostarangchi sak-7 sia, sak-1000 bate saknaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
