Gangtok, Oct 7: Sikkim a·doko misilpile chi dal·gitikanio sak 50 bate siaha aro sak 142 manderangko nikjaenga. Ua chi banania Budbar salo aramni chi pakbrue mikka gamongpreto Teesta chibimani rang·gitik dal·baanichi ong·aha.

Koborna parakatani gitade, batanggimin sal gittamni gisepo sak 27 manderangni manggisirangko West Bengal jolo Teesta chikoloniko man·aha.

“Sigiparangoni saksnikode sawarangchim u·ina man·aha, indiba bang·batakon u·ina man·kujaenga. Sak 142 manderang gimaenga; uamangni gimin mamingkon u·ina man·jaenga,” sorkarini gita parakatgipa aganaha.

Kobor man·soani gitade, IAF ia a·selo ga·akgipa manderangko dakchakna MI-17 helicopterrangko jakkale jotton ka·e niaha, indiba balmiksal namjabeani gimin Bagdogra aro Chaten-oni bilangnan man·jaenga. A·a chapchap chatgipa aramrang simdape dongengani gimin a·akon nikjae Lachen aro Lachung a·duakrango onchongenaba ong·na amgijani ong·enga.

Lachen aro Lachung jolo da·o sal bongana kingkingde aram simdape dongkugen ine IMD agansoaha, aro indaken sak hajal gittamna bate Sikkimo rona re·ange jachanggiparangko rime ra·ena gita rakbegipa kamko mikkangchake dongenga.

Teesta-V hydropower station-ni chikamachi donggipa dolongrangko chi man·angtokaha aro mitamkode chi mripe dongenga. Uni a·selan Sikkimni salgro jolrangona re·grik dogrikani cholrang dongsrangjaha.

Ia chi banani a·sel duk aro kengnio ong·enggipa manderangko maikai dakchakna aro naljokatna man·gen, dingtang dingtang cholrangko bikotna gita Sikkimni Chief Minister Prem Singh Tamang chugipa gadangni tom·aniko ong·ataha, jeon Indian Army, Air Force, Border Roads Organisation, NDRF aro State Policeni officialrang sko dondime chanchirimaha.

Chungthangona rama jokatanian skanggipa dakgni ine nikaha, aro sorok tarina a·a namahaode Naga-oni Toong-ona re·a-doani cholramako ta·raken a·bachenggen ineba chanchirimanio tik ka·aha.

Salmadrangni bako dingtang dingtang departmentrangni dilgiparang Chief Secretaryko gronge, rama sorok tariani kamrango, naljokatani kamrango aro duko ga·akenggipa manderangna dakchakaniko on·ani bidingo mai mai ong·angenga, ja·kuantikon kobor on·roroaha.

Official saksani aganani gitade, 3rd Indian Reserve Battalion-ni sipairang dakchakani aro jokatani kamko jako ra·na Chungthangona re·angtokenga.

Ia a·sel ong·anio sigipa mande sakantini nokdangnan a·dok sorkari Rs 4 lak ex-gratia on·gen ine parakataha.

Iakoba poraie nina man·gen: A•dokni Cricketer-ko doke saknaatanina saksako rim•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub