Guwahati, Apr 26: Chi bananichi neng•nikanirangko man•tokengani gimin jegalaniko mesokna gita Silchar-ni Chittaranjan Road-o donggipa nok 120-mangni gita Lok Sabha election-o bak ra•tokjaha.
Ia jolo songdongenggipa manderangni parakatani gitade, pangna bilsian wachini somoio ia jolrango chi bananichi manderang neng•nikanirangko chagrongna nangtokengani gimin ia chang election-o uamang dilgipako seokanio bak ra•tokjaha.
“Ru•uta bilsirangonin chinga chi banani somoio neng•nikanirangko chagrongna nangrongani gimin chingni neng•nikanirangko namatchina changni chang sorkario mol•molahaoba chingni mol•molanirangko sorkari knachakjaha. Uni giminsa chinga ia chang Lok Sabha election-o bak ra•jana tik ka•angaha. Mikka jime waani ja•mande ia jolrango chirang sikkonge donganichi chingni dongchakenggipa biaprang namen sel•tagija ong•aha aro da•alo chinga election-o bak ra•gija iako sorkarina u•iatna nangnikaha,” ine Chittaranjan Road-o songdongenggipa manderangoni saksa aganaha.
Jadok skangsan ia jolni MLA Dipayan Chakraborty, ia jolo songdongenggipa manderangni neng•nikanirangko namatna ku•rachakaniko on•ahachim indiba da•alonan ua mamingkoba chu•sokatjaha ineba ua matnangataha.
Na·simang ia video-koba nina man·gen:
Na·simang iakoba poraina man·gen: L S Election-ni 2 Phase pu·onaniko dam 88 constituecy-rango NE-ni dam 7-ko man·chape pu·onani a·bachengaha
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
