Dibrugarh, Mar 10: Dibrugarhni Lahowal Police Station-ni ning·o ga·akgipa Rajgarh ingipa biapo bilsi 62 ong·gipa me·chikmako skal pil·a aro montol daka ine potdrake doke-satenba chibima rikamo sombar salo gale donangaha.
Ia bilongbee doka-satako man·gipani bimingko Monika Sanga ine mingachim, jean Dibrugarhni Romai Tea-estateni No. 1 Rajgarh ingipaoni ong·a.
Sinasiple doke donangako man·gipa me·chikmako Lahowal Police Station-ni policerang nikenba ta·rakbee sana-bananina Assam Medical College and Hospital (AMCH) ona watataha.
” Sak 25 manderang chingni nokona napdraenba montol daka, skal pil·a potenba angni jikgipako nokoniko a·palona goate bilongbee doka-sataha. Angni mande skal pil·ani aro montol dake sam jakkalani giminsa songo-noko saa-ding·ako man·tokenga ine uamang chingko potdrakaha. Chinga indakgipa kamko ka·ja aro ang jikgipa montol dakgipa, sam jakkalgipa aro skal pil·na man·gipa ong·ja ine anga aganoba uamang chingko bebe ra·jaha, batesa uamang chingko ka·mikkenate doke-sate donangaha” doka man·gipani segipa koborna aganaha.
” Chingko ka·saninggija dakgiparangoni dakdilgiparangara Suraj Sanga, Suraj Moni, aro Narju Sanga uamangan ong·a, ang mande da·alo janggitangna dakgrikenga” segipa duk man·bee agankuaha.
Ia a·sel ong·aniko policerang che·em che·em sandirokenga aro doka man·gipani segipaba policena maming FIR kon segatkujaenga.
Na·simang ia video-koba nina man·gen:
Na·simang iakoba poraina man·gen: Dadenggre Water Supply Scheme-ni ning•o 856 nokdangrang chirangko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
