Tura, June 12: Skanggipa bakni robol kal•susaanio Blue Max 3-0 goalrangko man•e WI Spirit-ni kosako chegipa ong•aha aro Gnigipa bakni kal•susaanio, Doreng Sporting aro Ganolgre SYC baksa tingsusaanio 1-1 goalrangko man•e darangba chegipa ong•jaha.
Budbar salo, Tura Football League-ni skanggipa aro Gnigipa bakni kal•susaaniko Tura Chandmari Football Turf-o kal•susaangaha.
Gnigipa bakni kal•sausaanio, Doreng Sporting aro Ganolgre SYC dolrangni gisepo bil•tinggrike robol tingsusaaniko nikangna man•aha. Ganolgre doloni Brimen T Sangma, minute 20 mang ong•engpition goalko chipataha aro Doreng Sporting doloni Cherrybirth Ch Marak-ba, minute 70 ong•o uamangni dolna goal 1-ko chipskaaha. Indake, somoi ong•onan dolgnioni gipin goalrangko chiptaina man•jae, 1-1 goalrangko chipgrike draw ong•grikaha. Ia kal•susaanio, darangba cautionary card-ko man•gipa dongjaha.
Indake, Skanggipa bakni kal•susaanio, Blue Max dol 3-0 goalrangko man•enba chegipa ong•aha. Uamang dolgnini gisepo susaengmitingo, Blue Max doloni Matsrang M Sangma, minute 32 ong•engpition uamangni skanggipa goalko chipna man•aha. Indake, uni joljol, minute 38 ong•o Tengkrim Marak gnigipa goalko chiptaiaha aro skanggipa neng•takani somoi ong•na skangan, uamangni dol nengraen dilenggipa ong•aha.
Neng•takani somoi ja•man kal•susataion, Blue Max doloni Dera Marak, minute 60 ong•o uamangni bonkamgipa goalko chiptaiaha.
WI Spirit dol, gisik nange krengbee goalrangko chipna jotton ka•begenchimoba, Blue Max dol, uamangko goal chipna cholkon on•jaha aro uamang chegipa ong•aha.
Ia kal•susaanio darangba cautionary card-ko man•gipa dongjaha.
Bristibar salo, Dalu United baksa Chada United SA, Gnigipa bakni kal•susaanio, susagrikanggen aro Skanggipa bakni kal•susaanio, A.Balmikka GSC aro Babelapara SYC-ni gisepo, Chandmari Football Turf-o kal•susaanggen.
Na·simang ia video-koba nina man·gen:
Na·simang iakoba poraina man·gen: Pema Khandu-ko Arunachal-ni CM ine parakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
