Tura, Apr 14: Garo Hills a·jao strawberry gea gamanirangko aro tourism-ko a·jarango tangdodapatna miksonge salgina ong·atgipa strawberry festiaval sonibar salo tomtome matchotangaha.
Ia Festival-ko Meghalaya a·dokni Tourism Department aro Agriculture & Farmers Welfare nangrimenba strawberry-rangko gee game chagipa manderangko tangdoata baksana, Garo hills a·jarango Horticulture department ma·mong soarkari aro a·dok sorkarini nangrime on·gilgipa tangka paisarangko jakkale banga songrangon strawberry baganrangko dakatahachim, uarangko tangdoatna miksonge ia festival-ko sal gnina ong·atangaha.
Strawberry Festival-ko a·bachengatani salo West Garo Hills a·jani Deputy Commissioner, Jagdish Chellani, District Horticulture Officer, West Garo Hills, Thera Ch Marak, aro Sanyang A Sangma, Assistant Director Horticulture, Tura-ni dongpaanio oprake on·nangaha.
Festivalo strawberry-rangko baganoniko an·tang jaktangchi ake cha·ani, gure gadoani, cycle salanirangkoba ong·atanganio, Tura aro uni wilwilao donggipa banga manderangni rebae bakko ra·eanikoba nikangna man·naha. Attamni bakko MGMP-o bak donggipa dingtang dingtang gitrangko ring·gipa manderang uamangni doka dama aro ringanirangko dakmesokgenba manianiko an·saoatangaha.
Na·simang ia video-koba nina man·gen:
Na·simang iakoba poraina man·gen: IAF Operation Meghdoot-ko ka•kuenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
