Shillong, Aug 4: Meghalaya a·dokni skie ra·gimin nurse-rangna a·songni aro a·gilsakni dingtang dingtang biaprango kamrangko on·na gita a·dok sorkari, man·a gita dakchakanirangko on·gen ine Sukrobar salo, a·dokni Chief Minister Conrad K Sangma parakataha.
Shillong-o Overseas Nursing Job Fair-ko ong·atanio Chief Minister, ia kattarangko aganaha.
Ia Overseas Nursing Job Fair-ko, Meghalaya State Skill Development Society aro Meghalaya sorkarini Health & Family Welfare department, Navis HR Pvt Ltd, Nursedge aro The Trained Nurses Association of India baksa bakrime ong·atangahachim.
Kamrangko ka·na gita ua kamni gimin ma·sigipa aro changgipa sapgipa ong·na nangchongmota ine janapatengon, gipin kamni a·barangoba sorkari, ia apsan dakgipa cholrangko on·na miksongenga ine Chief Minister parakataha.
Tribal-rangni iandake bamani gnanggipa bewalrangan Meghalaya a·doko kam ka·na changgipa manderangko ong·katatenga ineba Sangma aganaha.
Manderangni changa sapanirangko namgipa gadango ra·dona gita sorkari, doka dam·ani, an·seng baljokani, nokrangko rikani aro uandakgipa dingtang dingtang kamni a·barango cholrangko sandie on·gen ine Chief Minister parakataha.
Jagnini gisepon, medical recruitment board gita sak 500 doctor-rangko kamo ra·na man·ahani giminba ia tom·anio Chief Minister janapangaha.
A·gilsak gimikon nurse-rangni gamchatgipa ong·ani gimin janapangengon, da·o mikkang bilsi 20 ba bilsi 30-ni gisepo 40 percent-na baten jakni kamrangko changgipa sapgipa manderangko India a·songo ong·katatna ka·dongsoenga ine Chief Minister parakataha.
Gipin a·songrango kamrangko man·ahaon nurse-rang an·tangtangni kam aro changa sapanio pangchake japrakon gong lak 1.2-oni lak 2-mangona dormahako man·ani donggen ine janapatengon, uamang gong 80,000-oni gong lak 1-mangkode Meghalaya a·doko an·tangtangni nokdangrangna watatskana man·gen ine Chief Minister parakataha.
Meghalaya Nursing Council-o sak 11,000-na baten register ka·gimin membor-rang dongahani gimin ia nurse-rangko a·dok sorkari, a·gilsakni dingtang dingtang biaprango kamrangko ka·na gita watatna miksongengachim.
Ia Nursing Job Fair-ko ong·atanio Japan, Singapore, Germany, Middle East, Australia aro dingtang dingtang a·songrangoni company-rang, an·tangtangni bil aro cholrangko mesoke on·angtokaha.
Ia company-rangni seokgimin candidate-rangna pilak nanga dakchakanirangko aro training-ni korosna sakprako gong 50,000/- ka·e on·na gitaba sorkari ku·rachakangaha. Bangki korosrangkode ia candidate-rang kamrangko man·ahaon, uamangni dormaharangoniko kattiskana gita sorkari tik ka·angaha.
Indake ong·engon, Garo Hills-o skie ra·gimin nurse-rangnaba iandakgipa apsan cholrangko on·na gita ia overseas nursing job fair-ko Tura-oba ong·atanggen ine a·dokni Health Minister Ampareen Lyngdoh parakatskaaha.
Iakoba poraie nina man·gen: Rajasimla jolo gimagipa mandeni manggisiko sal 17-ni ja·man man·a; Saobasa uko so·ota ine nokdangni manderang potchipe FIR ka·a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
