Sohra, January 11: Meghalaya-ni Skotong Minister Conrad Sangma, Sohra-o sal 2-na  ong•atenggipa Cabinet Retreat-ni bak gita Health Minister, Ampareen Lyngdoh aro PHE Minster Marcuise N Marak baksana sorkarini dingtang dingtang department-ni official-rang baksa East Khasi Hills-ni Shella Bholaganj block ning•o donggipa Siej songona bus-o songreangaha.

Meghalaya a•dokko man•ani bilsi 60 gapna siengon, ia skanggipa changna ong•atanggipa Cabinet Retreat, Meghalaya a•dokko namroro silroroatna gita Vision 2032-ko ra•baenga.

Umkar Living Root bridge-ko nian baksana ia living root bridge-ko koaniko a•bachengatgipa Hally War-ko grongna gita uamang Siej songona songreangaha.

Tom•anio aganprakengon, Skotong Minister, chasong gitchamni dakbewal rikbewalrangko ripingna aro jolo rika cho•ani kamrangko namdapatna sorkarini on•kange kam ka•anirangko agane on•angaha.

Jolni manderang baksana project-ni dilgiparangna aganprakaniko dakengon, Skotong Minister, Living Root Bridge-ni gamchatani gimin u•iatan baksana bilsi 300 batpile jolo songdonggipa manderangni janggi tanganio mongsonggipa bak ong•paenga ineba u•iatangaha.

Ia songo songdongkamgipa ma•gitcham pagitchamrangni rikanggipa dingtangmanchagipa ia dollongara, ma•gitcham pagitchamrangni pangkamgipa rikaniko dakna sapani aro songsalni gita namroro silroroani chin-ko mesoka, ineba Skotong Minister u•iatangaha.

An•chingni ma•gitcham pagitchamrangni gisik seng•ani a•sel ia dingtangmanchagipa aro jakkaltobegipa dollongko rikna gita man•aha ine aganengon, jolo donggipa manderangni ia dakbewalrangko ripingani aro chadamberangna skie on•aniko nike ua didianiko man•aha, inenba Skotong Minister agandapangkuaha.

Siej songni nokma aro ia living root bridge ba tanggipa bolni ja•diloniko tarigipa dollongko kogipa Hally War, uni bilsi 10 ong•oni ia dollongko koaniko dakbaaha aro ua bilsi 40 ong•na am•pile songni nokmani kamko jako ra•e ka•baaha. Uni bilsi 10-rang ong•mitting somoio ua maikai manderang ia chibimarangko batsotna gita neng•nikanirangko man•rongachim nikna gita man•aha ine aganan baksana, uni atchu ambigipa mangni agangipa living roots ba tanggipa ja•dilrangni mangrakani golporang una namen didianiko on•an baksana uni gisiko maiba pangkamgipa rikanirangko dakna sikatbeaha, ineba ua aganangaha.

Skotong Minister, jolo namdapatanirang jekai sorok gitalrangko tariani aro school-rangko namdapatna miksonganirangko ua parakataha. A•dok sorkari, songo noko dakchakanirangko on•a on•kange kamrangko ka•enga aro uamang jolo donggipa manderang aro game ge•e cha•giparangna dakchakaniko on•a gita gital sorokrangko tarie on•angan baksana re•baenggipa chasongrangna namgipa pora bidaniko on•a gita school-rangko namdapatgen ineba aganangkuaha.

Bilsiantin, Siej songona sak 10,000 tourist-rang ia Living Root Bridge-ko nina gita re•baronga ine aganengon, jolo tangka paisani gita tang•doaniko ra•bana gita tourism namen gamchatbegipa ong•a ineba aganangaha. Tourism Department-ni gita jolni ong•telaigipa nitoani aro jatni dakbewalrangko ripingani baksa dingtang dingtang namdapatanirangkoba ra•bagen ineba ua janapataha.

Na·simang ia video-koba nina man·gen:

Na·simang iakoba poraina man·gen: Cabinet Retreat-ko Sohra-o ong•atanga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub