Shillong, Nov 07: “Meghalaya a·dokna kragipa policy-rangko an·ching ra·gatna man·ode, nisanona sokdona gita re·mikkanganio an·ching on·kange kamrangko ka·a ong·ode, lekka-porako a·dokni chadamberangna maidake on·na gita nanga uarangko an·chingni a·dok gipinrangnaba dakmesokani ong·chongmotgen, indiba somoikosa nangnaba gnang” ine a·dokni skotong minister Pa Conrad K Sangma, Sombar salo, Eastern West Khasi Hills, Mairang songo donggipa St. Thomas Higher Secondary School-ko a·bachengatani bilsi 50 ga·dapaniko maniango bakko ra·e tom·bagiprangna aganprakangaha.
Today we laid foundation for the construction of the gallery in the St. Thomas Football Ground sanctioned under CMSDF at a cost of ₹10 Lakhs.
Also felicitated meritorious students of the school. May they bring more laurels & contribute to the growth of their community. pic.twitter.com/bIqFxU5cxR
— Conrad Sangma (@SangmaConrad) November 7, 2022
Lekka-porako a·dokna on·anio altubea kam ong·ja ine ku·rachakangenba, da·o rikenggipa sorkari a·dokni chadamberangna nambatgipa lekka-porarangko on·na man·na gita chu·gimik on·kange kamko ka·ataenga ineba skotong minister aganangkuaha.
Mikkangchinaba sorkarini on·kange kam ka·gnirangko aganangtaikuengon, a·dokni skotong minister, a·doko bi·sarangko tika su·anirango batanggimin 2018 bilsiode ka·mabatgipa gadangosa ong·achim, indiba bilsi-brini gisepon Meghalaya a·dok 27-gipaoni 2 gipa gadangona sokdobaaha ine parakatan baksa, tourism, sana-banani, bading-chiwalani ba ugita dakgipa a·barango ong·ja maina, chingni sorkari a·dokko dingtangatna gita gisiko nangen kamrangko ka·atenga aro iani bitekoba an·ching pilak a·barangon nikna man·enga, ine Pa Sangma agandapataha.
Indake ong·engon, Pa Sangma, a·dokna lekka-porarangko on·na gita Catholic Missionary-rang aro Salesian-rangni bang·en on·gilanirangnaba uamangko dingtangmancha mittelpilangaha.
Unbaksana, salni tom·anio, CMSDF-ni ning·o tangka-paisako chamatgipa gong lak 10 korosrangchi St. Thomas Football Ground-o gallery-ko rikna gita, skotong minister, pangchakaniko songe on·anga baksana, ua skulo poraie nambata gadango chu·soke niksenganggipa chatro-chatrirangnaba mande ra·pilskaaniko dakangjolaha.
