Shillong, Nov 7: Sombar salo, Meghalaya a•dokni Chief Minister Conrad K Sangma, Chief Minister’s Special Development Fund-ni ning•o gong lak 6.77 tangkarang koros ong•e Mairang Presbyterian Science College-o gital rikgipa Computer Laboratory-ko kulie on•angaha.
The funds allotted to the college have been judiciously utilised through the provision of the computers which will add to the learning of the students. We are happy to support them and I wish them the best. pic.twitter.com/nXTxDrp30E
— Conrad Sangma (@SangmaConrad) November 7, 2022
Mairang Presbyterian Science College-ko mittelpile aganangengon, ia college-na chamatgipa tangka paisarangchi computer-rangkoba breahani gimin ian chatro chatrirangni skie ra•anio bang•a dakchakani ong•gnok ine Chief Minister parakataha.
Chatro chatrirangni bida budi aro changa sapanirangko jakkalna man•na gita Mairang Presbyterian Science College gita dakgipa institute-rang a•dokna bang•en on•gilenga ineba Chief Minister aganaha.
Ia college-ni computer lab-ko kulie on•angani ja•man a•dokni Chief Minister, Mairang-o donggipa Khadsawphra College-ni college week-ko matchotatanioba bakko ra•angaha.
Ia Khadsawphra College-ni college week-ko matchotatanio bakko ra•angengon, college-na rikdakgipa nokko aro college-ni bus garirangkoba Chief Minister-ni jakchi kulie on•angjolaha.
Indake ong•engon, ia college-na rikdapenggipa nokko matchotatna gita CMSDF-oniko gong lak 20 tangkarangko sorkari chame on•anggen ineba ia tom•anio Chief Minister parakataha.
