Imphal, Apr 13: 2023 bilsini May 3 tarik dipetan Manipur a·doko dingtang dingtang jatrangni gisepo dinggrikanirangchi so·sojengjeng ong·anirangko nikna man·engoba Robibar salo, Jisu Kristoni rasong chabee Jerusalem songjinmao napaniko gisik ra·na Kangpokpi songjinmao Kristian bebera·giparang, ‘Palm Sunday’-ko maniangtokaha.
Re·anggipa 2024 bilsiode ia Palm Sunday-ko manianio bang·gija manderangsan maniaiahaoba ia changode Kangpokpi songjinmao Kristianrang bang·en bak ra·angtokaha aro Jisu Kristoni rasong chabee Jerusalem songjinmao napaniko gisik ra·na gita Kangpokpi songjinmani ramarango jinma re·jome Isolna rasong on·anirangko dakangtokaha.
Ia salko manianio dal·a chona, me·a me·chik pilakan bak ra·angtokaha aro kejur bijakrangko ra·e Isolna ring·mittelanirangko dakangaha.
Ia Palm Sunday-ara Jisu Kristoni chisolo datkapako man·e sina skang rasong chabee Jerusalem songjinmao napaniko gisik ra·na Kristianrangni manirongenggipa sal ong·a aro ia salo, Kangpokpi songjinmani pilak biaprangon, Kristian bebera·giparangni Isolna ring·mittele olakkianirangko nikna man·aha.
Ia salo Kuki Inpi Sadar Hills-ni president Thangminlen Kipgen, Kristian bebera·giparangna ia salni namgipa skaniko on·atengon, Palm Sunday-ni miksonganirangko talatangenba, Jisu Kristoni rasong chae Jerusalem-o napaniara drae ba gangbo dake ong·ja indiba tom·tomani aro mandeni gisepo nangrimaniko ra·bana miksongesa ong·a ine parakataha.
Na·simang ia video-koba nina man·gen:
Na·simang iakoba poraina man·gen: Rongali Bihu-ni namgipa skaniko Assam-ni manderangna AGP-ni dilgipa on·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
