Shillong, Oct 11: Sogijagipa ba jronggijagipa jabolrangko simsakbate galna gita mikkangchina re·chakatenganio, Khasi Hills Autonomous District Council (KHADC)-ni Chief Executive Member, Pa Pyniaid Sing Syiem, baksana World Bank-ni gita sokbagipa delegate-rang, Butbar salo Shillong, Mawkhar-o donggipa Hima Mylliem-ni office-ona re·angenba uanoni Syiem baksa agan-golpogrikangaha.

Hima Mylliem-ni Syiem, Paiem Ainam Manik Syiem-ko uamangni grongeani miksonganiara, Hima Mylliem-ni a·ja ning·o ga·akgipa dambonga a·jarangko man·chape Iewduh ba Barabazar-ko rongtal-an·talatani gimin aro sogijagipa jabolrangko simsake galani bidingo council-ni ja·kurangko de·chakatenggipao pangchake ba KHAD (Solid Waste Management)-ni gimin chanchirimna gita ong·a. Ua somoio, Hima Mylliem-ni Syiem baksana Dalois aro Mantri-rang, World Bank-ni gita sokbagipa delegate-rangko mande ra·e rimchaksotokaha.

A·dokni skotong Shillong songjinmani jeng-jabolrangko, mongsongbate jronggijagipa jabolrangko nambate aro simsakbate galani kamrangna, ma·mong ba a·dok sorkario chu·onga tangka-paisa aro cholrang dongbrejani gimin KHADC, ia project-na World Bank-ni dakchakaniko am·aha ine nikna gita man·enga.

Council-ni a·ja ning·ao donggipa pilak biaprango iandake sogijagipa jabolrangko mikkangchi galani gimin nirok-sandie kamrangko ka·chakatna gita, KHADC-ni Executive Committee (EC), Solid Waste Management Cell (SWMC)-ko a·bachengataha. Uandake, song ba gittimo songdonggiparangko bak man·ate biaptangtango rongtal-an·talaniko rakkiangna gita self-help group-rangko songe iani bidingo training-ko on·ani giminba SWMC-an didianirangko on·angjolgen.

Iakoba poraie nina man·gen: Sianggipa IFS officer-ni manggisiko Bangalore-ona ra•anga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub