Shillong, Mar 18: Byrnihat-o donggipa Conservation Training Institute-ni 48-gipa Batch Field Assistant-na training ra•gipa sak 18 manderangna Bristibar salo dingtangmancha Soil & Water Conservation department-ni gita Byrnihat-ni CTI Auditorium-o mande ra•pilskaaniko dakangaha.2021-2022 bilsini gisepo biming segatgipa sak 18 field assistant-rangoni sak 15-de Assam Soil Conservation department-ni, sak 2-de Arunachal Pradesh-oni aro saksade Soil & Water Conservation (T) Division Resubelpara-oni ong•achim.

Ia tom•anio Meghalaya Soil & Water Conservation-ni Secretary Dr Joram Beda, mongsonggipa sokgipa ong•e bakko ra•angaha aro training-o pass ka•gipa manderangna certificate aro trophy-rangko suale on•angaha.