Shillong, Aug 11: Chief Minister-ni Solar Mission-ko Sukrobar salo, Meghalaya a•dokni Chief Minister Conrad K Sangma, Shillong songjinmani State Convention Centre-o a•bachengate on•angaha aro ia Mission-ko a•bachengatanio a•dokni Power Minister AT Mondal aro MNREDA-ni Chairman Rupert Momin-ba dongpae bak ra•angaha.
Ia CM Solar Mission-ko a•bachengate on•anganio a•dokni Chief Minister, jinmana aganprakangengon, ia Solar Mission-ni kamo koros ong•aniko dingtangatna gita ia Solar Mission ra•baenga ine talataniko on•angenba, ong•telaigipa bilrangko bikotanichi Meghalaya sorkari, kraa gita subsidy-rangko on•gen ine parakataha.
Dal•dalgipa unit-rangna 70 percent subsidy aro chongipa unit-rangna 50 percent subsidy-ko on•gen ine janapatengon, tangka paisani gita neng•nikanirangko komiatna gita ia mission, bank-rang baksa connect ka•na cholko on•e, unit-ni korosniko 40 percent-ona kingking man•pilna dakchakgen ine Chief Minister parakataha.
Solar mission-na Meghalaya sorkari, bilsiprako gong crore 100-ko chamgen ineba Chief Minister parakataha.
CM Solar Mission-ko a•bachengataniara a•doko bijolina neng•nikaniko warachakanio sorkarini re•mikkanganiko mesokani ong•enga ine janapatengon, bijolina neng•nikaniko chu•gimik namatsrangna man•jagenchimoba ia Solar Mission-ko a•bachengatanichi 30%-oni 40%-ni gitade nokdangrang ia solar unit-rangko chatanichi dakchakaniko man•na sorkari ka•dongenga ine Chief Minister parakataha.
Ia scheme-ko ra•gatanichi lekka porani a•bao aro dal•dalgipa institute-rang bang•en namgnirangko man•gnok ineba Sangma aganaha.
Ia CM Solar Mission-ko a•bachengatanio a•dokni Power Minister AT Mondal-ba jinmana aganprakangengon, ia Mission-ara a•dokni manderangna bang•en namgni ong•gnok ine ia Solar Mission-ko a•bachengate on•ahani gimin Chief Minister-ko mittelpilangaha.
Iakoba poraie nina man·gen: Bilsi 12 ong•gipa me•chik bi•sako drae til•ekenba so•ote galanina jegale NGO dolrang tom•bimonga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
