Aizawl, Jan 29: Zo-Reunification Organisation (ZORO) dolrang, a•dok sorkarini Free Movement Regime (FMR)-ko ra•gale, Indo-Myanmar sima ari jolo guare kana tik ka•aniko jegalataha.
Aizawl aro gipin a•jani Skotong songrang jekai Champhai, Lungle, Kolasib aro Serchhip baksana Mimbung, Vaphai aro Manipur-ni mittam bakrang jekai Tengnoupal aro Chandel-rango ia jegalaniko dakangaha.
ZORO-ni Vice President Rohmingthanga Kawlni, sima arini km 16-ni ning•o donggipa manderangko VISA-gri re•runa bil on•gipa Free Movement Regime (FMR)-ko bon•atanina ma•mong sorkarinini kosako jegalatan baksana a•dok sorkarikoba iana chakpaaniko on•anina jegalataha. ZORO-ni General Secretary L Ramdinliana Renthlei, ia ja•ku de•ani a•sel Mizoram-ni manderang baksana sima ari jolo donggipa Mizo jatrangko dingchaotaha ine u•iatangaha, jeni a•selan ZORO baksana, NGO-rang aro political party-rangba iako raken jegalataha.
Adita somoirangna skang, Mizoram State Legislative Assembly-ni pilak member-rangan ia ma•mong sorkarini miksonganiko jegalatokataha. A•dok sorkari bebe gita jinmani namnikgijako dake ia niamko ra•gatenba maiba a•sel ong•na nangode ZORO iani daitoko ra•jawa ine mikrakataniko on•ataha.
ZORO dol, FMR-ko ra•galani, guare kaani kosako dakgrikanina on•kange kam ka•enga ine aganan baksana, uamangni ia ja•ku de•anio sakantikon chakpaaniko on•china gitaba didiangaha. ZORO dol, batanggimin salrango ma•mong sorkariko uamangni miksonganiko galenba FMR-ko dontaipilchina gita didiatahachim. Ia dolni gita uamang FMR-ko border pass system dakatskaana tik ka•anikoba jegalataha, maina indake ong•ahaode sima arini km 10-ni ning•o donggipa manderang special permit-na dorgasto-rangko galna gita nanggnok.
Na·simang ia video-koba nina man·gen:
Na·simang iakoba poraina man·gen: Crore bongani drugs baksa badingsrukgipa sakgniko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
