Agartala, July 11 : Budbar salo, Skotong Minister Manik Saha-ni manderangko rama champengna jotton ka•anina, Tripura Police dolrang sak 60 mangna batpile National Students’ Union of India (NSUI)-ni member-rangko rim•aha.
Ia NSUI-ni member-rang, Tripura a•dok sorkarini gita bi•sarang komigipa te 300 skulrangko chipna tik ka•ani kosako jegalaniko dakengachim.
“Education Minister-ni Tripura a•dokni te 300 sorkarini skulrangko chipna tik ka•anina chinga jegalaniko dakna gita re•baaha. Chinga tom•tom jegalaniko dakengon, police dolrang chingni member-rangko dra•e rim•aha. Chinga ia kakketgija dakani kosako jegalaniko dakenba a•dokni education system-ko naljoke rakkina man•a dipet kamrangko ka•angkugen,” inenba NSUI-ni jegalaniko dakenggipa saksa Amit Hossain u•iataha.
Tripura a•doko, 2018 bilsio BJP dol bilona re•baaha intaloni da•alona te 1000 skulrangko chipatokaha aro cholgri ong•pagipa bi•sarangna poraina gita chol ong•jaengaha, ine ua agandapangkuaha.
Police dolrangni rim•na skangde, a•dok gimikoni sak 100-na batpile chatro chatrirang ia tom•tom jegalaniko dakanio bak ra•angpaahachim, inenba students body matnange aganangaha.
Rim•a man•gipa manderangko detention centre-ona police gario rimangaha.
“Ramako champengatenba Skotong Minister-ni dongchakgipa nokona re•anganina chinga NSUI-ni member-rangko sak 60 na batpile rim•aha. Uamang permission ra•gija ba maming u•iata gri ramako kontasa mangna champengataniko dakataha jeni a•selan garirang re•rurana man•jae jachange dongataona sokataha, inenba West district-ni Additional Superintendent of Police, Chiranjit Chakraborty aganangaha.
Ru•utgija salrangna skangba, ia apsan dakgipa jegalaniko Agartala-o Students’ Federation of India (SFI)-ni gita ong•atangaha.
Indake ong•engon, bi•sa komigiparang skulrangko apsan ra•baanichi chatro chatrirangna nambata skie on•aniko dakna man•an baksana nambata lekka porani bidingoba tang•dobatna gita chol ong•gnok ine aganenba, uamangni tik ka•giminni bidingo sorkari jechakaniko dakangaha.
Na·simang ia video-koba nina man·gen:
Na·simang iakoba poraina man·gen: Assam-ni Dibrugarh a•jao chadambe saksako doke siata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
