Guwahati, April 14: Tehran-o drone aro missile-rangko godape chadrapanina jakbikpila ong•ode, iana bateba bilakbate ni•siataniko ra•bagen ine Iran, Israel a•songna mikrakataniko on•ataha.
Ia warachakani, battanggimin millitary dolni chadrapanina bate namen dalbatgipa ong•gen ine Armed forces-ni padot Major General Mohammad Bhageri parakataha. Jakbikpilanio, US dolrangba jak on•paode America-ni sipai dolrangni ma•chakenggipa biaprangko nisan ka•skaaniona sokatgen ineba Iran mikrakataniko on•angaha.
US-ni President Joe Biden, Iran-ni chadrapaniko jegalenba, G7 ba a•song damsnini darangkoba mikkang niteani gri chanchirimna parakataha. Ia chadrapaniara, re•anggipa April jani 1 tariko, Damascus-o Iranian official-rangni dongchakgipa nokko Israel a•songni chadrapanina warachakanisan ong•aia, jeon Iran-ni Revolutionary Guard-rangoni dalgipa gadango dong•e kamko ka•giparang baksana gipinrangba mata buako man•aha ine Iran a•kange aganangaha.
Na·simang ia video-koba nina man·gen:
Na·simang iakoba poraina man·gen: DRDO-ni tarigipa missile-ko dake nianio chu•soka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
