Shillong, July 16: BJP legislator Sanbor Sullai-chi dilenggipa 19-South Shillong Advisory Comittee (SSAC) dol, sombar salo Khasi-Jaintia aro Garo-rangna 30% job reservation-ko on•enba, 27%-ko Economically Weaker Section (EWS)-rangna on•china gita janapataha.
“SSAC dol, dingtang dingtang bak nanggipa dolrang baksa chanchirimaniko dakenba aro 2011 bilsio census ka•ako nigrike mande jelbra jelsruaniko nigrikan baksana Meghalaya sorkarini a•doko roster system-ko ra•gataniko nigrikenba ia janapbagimin reservation policy-ko namnike iako ra•gatchina,” inenba Reservation Policy-ni gimin Expert Committee-na seatgipa chittio Sullai janapataha.
![](https://hubnetwork.in/wp-content/uploads/2024/05/WhatsApp-Image-2024-05-20-at-08.31.41-1024x724.jpeg)
“Bang•a kangal cholgri ong•giparang job reservation policy-o bak man•rongpajani gimin ia indakgipa kangal cholgrirangna aro song•o noko donggipa manderangna namgniko ra•bana, advisory committee-ni ku•patigimin gita EWS category-na chamgimin 27%-oniko 87%-de kangal cholgrigipa Khasi, Jaintia aro Garo category-na a•kanggimin ong•gen aro dongkuenggipa 6%-ko gipin ST/SC/OBC-ni ning•o ga•akgipa kangal cholgrirangna aro 7%-ko unreserved category-na ong•gen. Ia EWS category-o sorkarini ning•o kam ka•gipa nokdangrang bak man•jawa. BPL donggipa nokdangrangni dedrangrang jekai gari sale cha•gipa driver, me•su samjak pale simme cha•giparang, gipin noko kam ka•e cha•giparang, salo hajira ka•giparang, contractual kam ka•giparang, Asha, Anganwadi, game ge•e cha•gipa aro hajira ka•e cha•gipa manderangni dedrangko ia EWS category-o man•chapa.”
![](https://hubnetwork.in/wp-content/uploads/2024/05/WhatsApp-Image-2024-05-06-at-1.24.51-PM-767x1024.jpeg)
“Ia pilak janapbagiminrangoni 10%-ko differently abled (PWD) ba be•enni gita cholgri ong•gipa manderangna aro kal•susaani a•bao changa sapani gnanggipa manderangna a•kangimin ong•gen,” inenba Sullai janapataha.
Una agreba, advisory committee-ni gita, iano songdongkamgipa gipin jatrangko OBC category-o chapatchina aro Schedule Caste-o ga•akgipa gipin jatrangko SC category-o chapatchina janapataha, inenba gitcham cabinet minister u•iataha.
![](https://hubnetwork.in/wp-content/uploads/2024/07/WhatsApp-Image-2024-07-15-at-11.52.25-AM-e1721025045761.jpeg)
“Advisory committee-ni gita, district level post ba sub-divisional post-rangna 87% job reservation-oniko 50%-kode kangal cholgrigipa Khasi-Jaintia-rangna jeon Ri-Bhoi a•jakoba man•chapgen aro Garo Hills-na ong•ode Garo-rangoni kangal cholgrigipa ong•na nang•gen,” ine aganengon, a•dok sorkarikoba uamang bilsi 10-ni gisepo ia job reservation policy-ko nipiltaianiko dakchinaba didiangaha ineba Sullai aganangkuaha.
Na·simang ia video-koba nina man·gen:
Na·simang iakoba poraina man·gen: Tura-o chang 106-gipa Garo Labour Corps Day-ko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub