23.8 C
Tura
spot_img

South Tura-o manderangni vote on·anichi a·dok gimikon dingtanganiko nikgen: Conrad

Must read

Tura, Jan 31: Re·baenggipa February-ni 27 tariko an·tangtangna dilgipako seokengon, seokna skangba candidate-rangni janggi tangani bewalrangko name nichengchina gita Sombar salo, Meghalaya a·dokni Chief Minister aro National People’s Party (NPP)-ni national president Conrad K Sangma, South Tura constituency-ni manderangko didiangaha.
An·tangtangni MLA-ko seokengon, uamang MLA-kosan seokenga ong·ja indiba a·dokni Chief Minister-koba seokenga ineba ua South Tura-ni manderangna gisik ra·atpilaniko on·angaha.

“South Tura-ni manderang na·simangni MLA-kosan seokenga ong·ja indiba a·dokni Chief Minister-koba seokenga. Na·simangni vote-rangan Tura-o ba Garo Hills-osan ong·aigija a·dok gimikon nangchakeaniko ra·bagen maina na·simangni vote-an gital sorkariko rikanioba nangchakeaniko ra·bana sienga,” ine Sangma, New Tura kal·chakramo South Tura constituency-na campaign ka·aniko a·bachengatengmiting somoio sak 5000-na batgipa manderangna aganaha.

“Na·simang an·tangtangni vote-ko on·anichi South Tura-o namroro silroroaniona dingtanganiko nikgen. Na·simangni vote-rangan Siju, Williamnagar, Garo Hills gimikon aro Khasi Hills-oba namroro silroroaniko ra·bana cholko on·gen. Na·simangni vote-ni a·selan bilsi 30-na batpile dabienggipa Rongjeng sub-division-koba man·aha aro iani gimin Rongjeng-ni manderang, Conrad Sangma-kosan mittelenga ong·ja indiba South Tura gimikni manderangkon da·alo mittelpilenga,” ine Chief Minister parakataha.

Uni NPP sorkarian Tura-o a·ani gita neng·nikanirangko namatna dakchakaha ineba ia tom·anio Sangma parakataha.

Chief Minister-ni aganani gitade, ru·utbea bilsirangna sorkarini a·arango songdong a·chaenggipa manderangna da·o sorkari a·arangko on·e dolgnini gisepon nangrimaniko ra·bana man·aha.

spot_img

More articles

spot_img
-->

Latest article