Ampati, Aug 09: British-rangni jakoni India a·songni jakgitel ong·ani bilsi chang 76-gipako mande ra·bean baksa gisik ra·na tarisamsoanirangko dakengon, Meri Matti Mera Desh ingipa katta ja·pango pangchake South West Garo Hills a·jao donggipa Kumligaon-ni Taljawa Lake-o ‘Azadi ka Amrit Mahotsav’-ko Butbar salo maniangaha aro ia manianiko gisiko katchanian gape gisik-ka·tongchi maniangengon, a·songna ka·sae janggiko on·chake sianggipa sipairangko gisik ra·e mande ra·anikoba dakangjolaha.

Ia manianio, sorkari official-rang, dingtang dingtang dilgiparang gisiko nangbee bakko ra·angtokan baksa, a·jani deputy commissioner (DC), SP, ASP, DSP, aro dingtang dingtang department-ni ning·o dangdike on·enggipa gipin official-rangba bak ra·angtokaha.

“Maati ka Naman, Veeron ka Vandhan,” ine pangchakaniko done a·songni jakgitelani bilsiko gisik ra·na gita Talwaja Lake-o ia bilsi manianganio, a·songko jakgitel ong·atna gita bang·a sipairangni janggirangko on·e sichakanggipa rongtalgipa a·ako mande ra·jolanikoba dakangaha aro iana dingtangmancha a·ako mittelpilskaani gita, progamo bak ra·giparang warini rikamo aro uni wilwila biaprango bol chararangko ge·enba a·songni mingbonga niamrangko tange rakkiangna gita ku·mikchetanikoba dakangjolaha.

Unomiting, a·jani Deputy commissioner Pa RP Marak, tom·ao bakko ra·e jinmana aganprakangengon, a·songna dangdike on·ani somoio a·jaoni sak 11 veer ba janggitangko on·chake sianggipa sipairang dongpaani gimin uamangko mande ra·an baksa an·tangni kusi ong·aniko parakangenba, dingtang dingtang scheme-rangchi a·jana namroro-silroroataniko ra·bana gita sakanti gisiko nanggiparangni ku·cholsan bakrime kam ka·anirangko nangchongmotengani gimin changsatai gisik ra·atpiltaianiko on·angan baksa, sorkari chakkrirangkoba mandena dangdike on·anio an·tangtangko on·kangpiltaie kamrangko ka·china gita didianiko on·angjolaha.

Apsandake, a·jani Superintendent of Police, Pa V Kumar-ba jinmana aganprakanganio, a·songtangna ka·saani aro a·songtangko dal·nikaniara an·chingni daka-rikani ma·ambio, nangrimanio, ka·saanio aro bebera·anirango dongchapa ine janapatan baksa, Azadi ka Amrit Mahotsav-ko maniani ning·o iarangko dakanichi a·songtangni kim·kimanina aro bilakanina daitangko ma·sie kamtangtangko ka·anio sakantiko bilak-mangrakatpiltaiani gita ong·chongmotgen ineba ua agandapataha.

Iakoba poraie nina man·gen: Pa Himanta, Manipur-o so·so-jengjeng ong·anina Congress dolko daito gnang ine matnange agananga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub