Williamnagar, Aug 9: East Garo Hills a•jao donggipa Songsak-ni anarosrangko United Arab Emirates (UAE) a•songona watatani ja•man da•o ia anarosrangko Abu Dhabi songjinmao palengaha aro ian A•chik a•songni manderangna aro mongsongbate game ge•e cha•giparangna namen rasong mikkimni ong•aha.
![](https://hubnetwork.in/wp-content/uploads/2023/06/WhatsApp-Image-2023-06-26-at-12.31.26-PM.jpeg)
Adita salrangna skangmangmangsan, East Garo Hills a•jani Songsak C&RD Block ning•o donggipa Jamge IVCS, Meghalaya Basin Management Agency aro Agriculture department baksa nangrime, metric ton 1 anarosrangko Middle East a•songrangona watatna man•taiaha aro ian East Garo Hills a•jao anaros ge•enggipa manderangni gnigipa changna anarosrangko gipin a•songrangona watataniba ong•ahachim.
Indake ong•engon, UAE a•songona ra•anggipa Songsak-ni anarosrangko Abu Dhabi-ni Al Wadha Mall-oba manderangna mesoke donenga ine iani bidingo Meghalaya a•dokni Chief Minister Conrad K Sangma parakatenba, iani bidingo game ge•e cha•giparangna an•tangni namgipa skaniko on•ataha.
Iakoba poraie nina man·gen: World Indigenous People Day-ko manianio Conrad bak ra•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub