Ampati, Dec 4: Sombar salo, South West Garo Hills a•jani District Social Welfare Office-ni gita International Persons with Disabilities Day ba be•enni gita cholgri ong•gipa manderangni salko Ampati-ni Multi Facility Centre-o manidilangaha.
Ia salko manianio, South West Garo Hills a•jani Additional Deputy Commissioner Dr Rezina Marak, mongsonggipa sokgipa ong•e, tom•anio bak ra•giparangna aganprakengon, be•enni gita cholgri ong•gipa manderangna dingtang dingtang cholrangko on•anio ku•cholsan ong•na nangengani gimin aganangaha.
Be•enni gita cholgri ong•gipa manderangna on•gimin bil aro dingtang dingtang scheme-rangni giminba ia tom•anio Dr Marak talataniko on•angaha.
Ma•mong sorkarini scheme-rangko ra•na gita Aadhar card-ko nangchongmotengahani gimin Aadhar card-rangko tarichina gita manderangko didiangengon, sorkarini dingtang dingtang department-rango be•enni gita cholgri ong•gipa manderangna dingtangmancha dongimin biaprang donga ineba Dr Marak aganaha.
Ia program-ko ong•atanio dingtangmancha be•enni gita cholgri ong•gipa manderangna sanna banani cholrangni bidingo District Immunization Officer Dr Noreen Sangma agan-talate on•angaha aro ‘Rights of Persons with Disablities Act 2016’-ni bidingo District Legal Services Authority (DLSA)-ni Advocate A Hussain, agan-talate on•angskaaha.
Ia salko maniani bak gita dingtangmancha be•enni gita cholgri ong•gipa manderangna kal•susaanirangko aro free health check up-koba ong•atangaha.
Iakoba poraie nina man·gen: Mizoram-o ZPM sorkariko rikskana sienga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
