Aizawl, Dec 04: Mizoram a·doko ong·atanggipa Assembly election-o Lalduhoma-chi dilenggipa Zoram People’s Movement (ZPM), Mizoram a·dokni Chief Minister Zoramthang-chi dilenggipa Mizo National Front (MNF) sorkariko ra·galatenba da·o gital sorkariko rikskana siengaha.

Mizoram a·dokni bang·bata constituency-rangon ZPM-ni candidate-rang chena a·bachengtokengahani gimin, ZPM-na kam ka·enggipa manderang kusi ong·e manina gita a·bachengtokaha.

Mizoram election-ni result-ni bidingo kobor ra·timgipa manderang baksa agangrikengon, a·bachengonin uamang chena ka·dongsoengachim indiba da·o dipet vote chananirang matchotsrangkujaengani gimin senge nikuna ine ZPM-ni dilgipa Lalduhoma parakataha.

Mizoram a·doko ZPM-ni candidate-rang, komibeoba dam 26 constituency-rango cheengahani gimin ZPM, gital sorkariko rikna ka·dongsoengaha.

Mizoram Assembly election-o 80 percent-na baten manderang dilgiparangko seokanio bak ra·angtokahachim.

Mizoram a·dokni dam 40 donggipa Assembly constituency-rango sak 18 me·chikrangko man·chape gimik sak 174 candidate-rang susaangahachim.

Iakoba poraie nina man·gen: Shillong-o Water Heritage Fortnight-ko ong•ata