Tura, Mar 30: Sr. Rosario Lopez Herraria sagiko mande ra•ani gita, Tura-ni St. Xavier’s Convent Chapel-o prayer service-ko dakangaha. Ia bi•aniko Rt Rev. Bishop Andrew R Marak dakdilangaha aro ia bi•anio bang•a manderangan bak ra•angaha.
Sr. Rosario, bilsi 94 ong•e janggi tangange, Shillong-ni Nazareth Hospital-o, Bristibar salo, bonkame janggi galaha.
Ua, ru•uta bilsirangna Garo Hills-o dongenba, dingtangmancha nirokaniko nanggipa bi•sarangna, me•asarangna aro me•chikrangna dakchakaniko on•baaha aro uamangna namgipa janggi tanganiko on•a man•a gita 1986 bilsio Tura-o Bethany Society-koba a•bachengate on•angaha.
Ua Missionaries of Christ Jesus (MCJ)-ni pocharok ong•pae, Garo Hills-ni ning•o dongenggipa be•enni gita bilgrigipa bi•sarangna dongchakaniko rikna aro Braille aro Sign Language gita, uamangna nama bidako on•a kang•kare kae ra•aha, indake, sangsalo tangka paisani gita mangrake dongna man•a gita, bilgrigipa dal•gimin me•a aro me•chikrangna, jaktangchi sika koani, wata chengani aro ge•e game cha•aniko skie on•skaaha.
St. Xavier-oni Sister Guadalupe sagini nambatsranggipa ripeng ong•e, Garo Hills a•jao konchi cha•gipa manderang baksaba ua kam ka•rimna a•bachengaha. Ua Mendal-o kam ka•e jamano Khasi Hills a•jaona jitangskaaha.
Ua, mikgri manderangna dongchakani nok aro bida-ko on•a inenba Tura-ni Kamipara, Araimile-o Marian Integrated Education for Blind Institute-ko kulie on•angaha. Indake, ia skulko, St. Gabrial-ni Montfort Brother-rangna pakwate on•angskaaha jean, dingtangmancha nirokaniko nangenggipa bi•sarangna bidako on•anio nambatsranggipa skul ong•skaaha, jekon da•alo Montfort Centre of Education ine mingskaaha.
Songsalo dangdike on•anina, Meghalaya-ni Pa Togan Nengminja Award-koba ua man•aha.
Na·simang ia video-koba nina man·gen:
Na·simang iakoba poraina man·gen: Sarbananda Sonowal Madarkhat Xatra-ona re·angon ma·giparangni ka·saani aro pattianiko man·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
