28.2 C
Tura
spot_img

Dingtangmancha nirokaniko nanggipa gitcham chatro chatrirang Sr. Rosario-ko bonkame mande ra•a

Must read

Tura, Mar 30:  Sister Rosario Lopez sagi, dingtangmancha nirokaniko nanggipa bi•sarangna namgipa kamrangko ka•enba uamangna lekka bida aro jakni kamrangko skie on•anirangko dakangahanina, uko Mande ra•enba Tura-ni St. Xavier’s School-o bi•rimaniko dake, Sonibar salpaksao, Tebronggre-ni Bethany Society Institute-o gopaha.

Bilsi 94 ong•gipa Spanish skiprakgipa, Meghalaya-ni Garo Hills-o, bilsi 60 mangna janggi tangpae, ka•tongni saanirangko man•enba, March 28 tariko siaha.

Ua, mikgri aro nachil knagijagipa bi•sarangna namgipa bidako on•a Tura-o skulko kuliahachim aro tangka paisarangchi mangrake dongna man•a gita dingtangmancha nirokaniko nanggipa dal•gimin me•a aro me•chikrangna janggi tangani cholrangko skie on•a, Tebronggre-o Institute ge•sako kulie on•aha.

Tura-ni Bishop, Rt Rev Andrew R Marak, uko gopna skang Isolo bidilanganiko dakdilangaha aro Sr Rosario-ni dakgimin namgipa kamrangko gisik ra•atpilanikoba dakangaha.

Mikgri bi•sarangna bidako on•enggipa, Shillong songjinmao donggipa Jyoti Sroat School-ni Principal ong•anggipa aro Bethany Society-ni Assistant Director ong•enggipa, Ms Berta Dkhar, jean an•tangba mikgri ong•achim, ua Shillong-oni re•baenba, Sister Rosario-ko mande ra•pilskaaniko dakangaha.

Una agreba, Sr Rosario-ni gitcham chatro chatrirang jemangan, mikgri ong•e uoniko janggi tangna gita changa sapaniko skie ra•ahachim, uamang Tebronggre-o ru•uta somoirangna Sr Rosario-ko ra•anganiko sengsoaha aro sokbahaon, uni manggisiko donchakenggipa coffin-ko mande ra•e dangtaptokaha.

Indake, Tebronggre-o donggipa Bathany Society Training Institute-o apsan dongrimgipa bang•arangan, gue bijakniko plate ba mi cha•chakani tala aro wa•aniko asongchakani ampok aro uandake, dingtang dingtang bosturangko tarianiko skie ra•na man•tokaha.

Na·simang ia video-koba nina man·gen:

Na·simang iakoba poraina man·gen: Sr. Rosario Lopez-ko Tura-o gopa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

spot_img

More articles

spot_img
-->

Latest article