Shillong, July 5: Mongolbar salo, Meghalaya Sarva Shiksha Abhiyan School Association (MSSASA)-ni dilgiparang, Meghalaya a•dokni Education Minister Lahkmen Rymbui-ko grongenba, a•dokni Budget-o SSA-na tangka paisarangko bang•bate chamchina didiangaha.
MSSASA-ni president Aristotle Rymbai-ni kobor ra•timgiparangna parakatani gitade, 2021-22 bilsini gisepo dingtang dingtang neng•nikanirangko chagrongna nangahani gimin aro SSA-ni dingtang dingtang kamrangko namdapatna man•na gita RTE Act 2009-ni Section 7(5)-o pangchake SSA-na tangka paisarangko bang•bate chanchichina uamang, sorkariko didiangaha.
SSA skulrango skigiparangni dormaharangko bariatchina gitaba uamang sorkariko didiangaha ine janapatengon, adita salrangni gisepon Education department, a•dokni Chief Minister baksa tom•e chanchirimna sienga ine Education Minister uamangna u•iataha ine Rymbai parakataha.
Education Minister-ko gronganio MSSASA-ni dilgiparang, skigiparangni man•na nangkuenggipa dormahani bidingo, SSA skigiparangko kamo regularise ka•ani bidingo aro SSA-ni gipin kamrangni giminba agangrikangaha ine Rymbai parakataha.
