Shillong, Aug 20: All Meghalaya SSA Non-Teaching Staffs Association (AMSSANTSA), uamangni dabianiko knachake uamangni man•gni dormahako 2024 bilsini April 1 tarik dipet bariatna sorkarini ku•rachakani ja•man, uamangni sal 21 mang ong•pile asonge jingjengataniko Mongolbar salo dondikataha.
Indake, Education-ni Commissioner & Secretary, Vijay Mantri-ni dilenggipa Rationalisation Committee baksa August 19 tariko tom•e chanchirimani ja•man sorkari, uamangni dabia gita April 1, 2024 tarikoni dipet 2% mangni gita seniority allowance aro 5% mangni gita annual increment-ko bariatna ra•chakaniko parakataha.
Uamangni bon•kamgipa proposal-ko department-ona ra•angna skang district office-o chimonggimin pilak non-teaching staff-rangni data-rangko che•em che•em name nipiltaianiko dakchina gita committee-oni ku•pattiataha.
Indake a•dok sorkariba, Rationalisation Committee-ni janapata gitan, uamangni man•gni dormahako April 1,2024 tarikoni nipiltaianiko dakenba uamangni man•gni dormahani kri 5% annual increment-ko bariate on•china SSA-ni State Project Director-na ge•etaniko on•ataha.
SSA-ni State Project Director-ba, Meghalaya Health Insurance Scheme-na agreba Provident Fund-ko man•pana gita EPFO-o register ka•china pilak non-teaching staff-ni member-rangko didiatskaaha.
Iani gisepon, non-teaching staff-rangko dingtang dingtang department-ni kamrangna maming on•pilskaani ba maming man•gni gri jakkalengani bidingo janapengon, uamangko gipin kamna ba nanganina jakkalengon re•a doani, cha•a ringani aro gipin nanganirangna korosko on•e jakkalchina ine SSA-ni SPD gipin department-ni official-rangko didiangskaaha.
80% mangni gita dormahako bariatna dabianiko uamang man•jagenchimoba, 2% seniority allowance aro 5% annual increment-ko bariatna sorkarini tik ka•aniko kusi ong•en ra•chakenga aro uamangni asonge jingjengatenganiko ra•galpilengaha ine Association-ni president Jennifer Synrem parakataha.
Na·simang ia video-koba nina man·gen:
Na·simang iakoba poraina man·gen: Cabinet-o dingtangani dongkujawa: Conrad
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
