Shillong, March 28: Meghalaya a·doko, Sarva Shiksha Abhiyan (SSA) skulrango ge 420 skigipani kamrang bangbang ong·e dongenga aro Sorkari skulrango ge 1,219 skigipani kamrang bangbang ong· enga ine a·dokni Education Minister Pa Rakkam A Sangma, Mongolbar salo assembly-o u·iatangaha.

Meghalaya assembly-o budget session-na tom·ani bon·kamgipa salo Mawhati-ni Congress MLA Pa Charles Marngar-ni sing·anina aganchakangengon, SSA skulni ning·o, Lower Primary category-na sak 102, Upper Primary category-na sak 292 aro Secondary category-na sak 26 skigiparangko nangenga ine u·iatan baksa, Sorkari skulrango, Lower Primary category-na sak 1002, Upper Primary-na sak 41, Secondary-na sak 125 aro Higher Secondary category-na sak 51 mang skigiparangko nangskaenga ine Pa Rakkam Sangma u·iatangaha.